٩ أمور ضروري تصير بكل عرس لبناني

بقولوا “كل عرس إلو قرص” بس العرس بلبنان إلو قراص، مفهوم الفرح والرقص والهيصة بيتكرس بقوة أكبر بهل مناسبة وكمان اللقلقة والجقجقة. وبتدب العجقة أكتر من أي وقت تاني وبصير الكل معجوق ومبسوط بالعرسان، لهيك خلونا نشوف شو بصير بكل عرس بلبنان.

١. حرب الزلغوطات

بيتسابقوا النسوان مين الزلغوطة تبعوا أكبر ومين أطول وبتربح أكيد إم العروس

٢. دمعة الإم

عطول وبكل عرس بتشوفوا الإم اللبنانية عم تبكي على إبنا أو بنتا بنص دين الزفة ومش بس هيك بتنزع المكياج وبصير يشط والعرسان بصيروا مش عارفين شو يعملوا يبكوا ولا يكفوا رقص

٣. همة الوايترية بالمطاعم

بتبطأ فجأة همة الوايترية بالصالة وبصيروا بينقلوا على مهلن الأكل على الطاولات. بظرف دقايق، بينمسح الأكل عن الطاولات أو من البوفي لأن الكل بكون جيعان ومشتهي الأكل

٤. بدك تسلم عل كل 

حتى الناس يلي مش شايفهن بحياتك بس بخبروك أدي كبران وحليان وطالع متل امك/بيك

٥. تنبيش على عرسان

في عطول هيدا الشخص لي جايي يتصيد عريس أو عروس لإلو بين المعازيم وبصير يفلي لي رايح ولي جايي

٦. البوكي

بدن يتسابقوا مين بدو يلقط البوكي وعطول لي بيلقتها بعيش الحالة وبفكر حالو إنو خلص مشي الحال ورح بيتجوز قريباً

٧. كايك طوابق

عطول بدو يكون كايك العرسان عدة طوابق حتى لو بدو ينكب نصو بس المهم يكون كتير كبير كرمال الصور

٨. جماعة العروس والعريس

جماعة العريس بيقعدوا من من میلة وجماعة العروس من میلة، بتفصل بیناتن بيستا الرقص بنوضروا عبعض من خلالها وبصيروا يقارنوا مين بيعمل جو أحلى 

٩. الرقص على مبروك

في ناس بتنطر مناطرة العرس بس لتخلع على الآخر وترقص وأكيد ما رح يقطع عرس لبناني من دون ما يحطوا غنية مبروك تبع رامي عياش فوق ال10 مرات والكل بصير يهيص

خبرونا إنتو شو رأيكن بعوايد الأعراس بلبنان؟

شوفوا كمان، وين فيكن تلاقوا أطيب محل بوظة بلبنان؟ خلينا ندلكن.