خبرية حلوة: موجة جديدة من المطاعم المشهورة رح تفتح بمطار بيروت

خبرية حلوة كتير لرواد السفر وللمغتربين: موجة جديدة من المطاعم المشهورة بالبلد رح تفتح بوابها بقلب المطار هل صيفية. منذكر منا دنكن دوناتس وزعتر وزيت، وهل خطوة الإيجابية إجت من بعد ما سلمت إدارة المطار الإهتمام بأمور المطاعم والخدمات لشركة جديدة.

لهلق، Dunkin هوي المحل الوحيد لي فتح رسمياً جوات المطار، هل علامة التجارية الأمريكية بتدقم القهوة، الدونات، الطعام والشراب للزوار، قررت إنها تخصص نهار مجاني لموظفي المطار أول نهار فتح المطعم في. قريباً رح ينضم لهل الليستا زعتر وزيت، وعم ينحكى كمان بمطعم الآغا، زنود الست وبال Pain D’Or وماكدونالدز.

hey tweeps, so I was roaming the offices today and heard some big news; can you keep a secret? 🤭✈️

— Zaatar w Zeit (@zaatarwzeit) July 13, 2023

بتضم حالياً صالة المطار الرئيسية 8 مطاعم، بالإضافة لبعض المحلات الزغيرة. أما المتعهد الجديد لي استلم قسم المطاعم بالمطار فهيي شركة Nevada S.A.L، وهي شركة مرتبطة بإدارة فنادق لانكستر ببيروت. وبحسب ما عم يتم التداول تقدموا بمبلغ طائل وصل ل3.45 مليون دولار للحصول على حقوق تموين المطار.

هدف هل الحدث ترغيب المغتربين والسواح على التمتع بوقت توقفن بالمطار خاصةً من بعد التجارب السيئة لي كانوا عم بعيشوها الركاب وهيدا كلو إجا بعد محاولة فاشلة لتوسيع المطار ليضم أكتر من قسم.

خليكن عم تتابعونا لتعرفوا أول بأول أيمتى ومين هني المطاعم الجديدة لي رح تفتح بالمطار قريباً.

شوفوا كمان، لأول مرة هل صيفية: تجربة تطيير المصابيح بالجو.