مطعم المملكة: قعدة خيالية جنب نهر الباروك وطواحين الميّ

ما في أحلى من هوا الباروك بهل شوبات والصيفية. منطقة الباروك مشهورة كتير بشلالاتها الغزيرة وأنهارها الساحرة. كرمال هيك، اليوم قررنا نتغدا بمنطقة الباروك عند مطعم كتير مميز. تعرفوا معنا على مطعم المملكة مطعم لبناني بيتميز بقعدة على نهر الباروك جنب طواحين الميّ.

بتمشوا على جسر زغير وبتدخلوا على مطعم المملكة، قعدتو مميزة ومخباية بين شجر الصنوبر والطبيعة الساحرة. هالمطعم بيتميز بالقعدة التراثية، الحجر الصخر القديم، وموديل البيوت اللبنانية القديمة اللي بتشبه القصور.

عند مطعم المملكة التراس غير شكل بالهوا الطلق وعلى صوت نهر الباروك، بتقعدوا جنب طاحونة الميّ وبتسمعوا صوت النافورة. كتير رح تستأنسوا بمنظر الميّ الصافية والهوا البرود وجمال الطبيعة.

إذا عبالكن غدا لبناني على أصوله ومازة بتشهي على مناظر بتاخد العقل، لازم تجربوا هالمطعم. مشاوي وتبولة وحمص ومتبل وبطاطا حرة على مد السفرة، وقدامكن جمال نهر الباروك. عندن لحمة نية بكل أصنافها وأطباق لبنانية شهية.

شو ناطرين؟ مشوا نتغدا عند مطعم المملكة!

للمزيد من المعلومات، اتصلوا على 143 865 03.

شوفوا كمان، تعو نزور أطيب المطاعم بفقرا