مسبح بأعالي الجبل وبيوت مميزة بأحضان كفرمتى

اليوم رح نطلع على منطقة مخباية بين جبال عاليه، تحديداً ضيعة كفرمتى جارة الجبل والسما. رح ناخدكن على مطرح مميز، بيوت جبلية و مسبح بيقدملكن عطلة صيفية مميزة بين الجبال.

هالمطرح محاوط بشجر الصنوبر العالي، بيتميز بقعدة جبلية بتطل على أجمل المناظر الطبيعية بعاليه، ومنظر لغروب الشمس من الأحلام. بتلاقوا كذا فيلا كبيرة ومناسبة للعيل، و مسبح روعة هالصيفية.

بتقعدوا بترخوها جنب المسبح وقدامكن جاط فواكة وجمال طبيعة الجبل. بتقعدوا على مرجوحة بنص المسبح وبتقضوا النهار كامل عم تسبحوا وتنبسطوا مع العيلة والأصحاب. بتعملوا مشاوي وبتجربوا غدا طيب على أجمل المناظر.

كل فيلا عبارة عن بيوت صخر قديم بتتميز بأجواء ريفية وجبلية روعة، والقعدة على التراس بالهوا الطلق وقدامكن الوادي والجبال بتاخد العقل!

بين البيوت القديمة والقعدات الملونة، بتلاقوا جلسات بالطبيعة غير شكل. بتتمشوا بالجنينات بين شجر الزيتون والورد وبتشموا هوا نضيف وبتحسوا بالرواق.

بتلاقوا بقلب مسبح كفرمتى كمان بيوت مهضومة بتاخدكن على جو الضيعة، بتقضوا وقت مع البط وحيوانات المزرعة، بتجربوا لقمة بيتوتية وترويقة مناقيش غير شكل الصبحيات.

شو ناطرين؟ يلا نضب الشنطة ونطلع على مسبح كفرمتى!

للمزيد من المعلومات، اتصلوا على 704 586 76.

شوفوا كمان، فيلا فوق التل بإطلالة على بحيرة القرعون