مطعم Alicia Trattoria: لقمة إيطالية وقعدة بين شوارع صور القديمة

مدينة صور مقصد سياحي لكل الناس خصوصي بالصيفية، مشهورة بشطها الرملي النضيف وشوارع القديمة وآثارها الفينيقية. اليوم قررنا نخبركن عن مطعم مميز بهل منطقة بالجنوب. إذا انتو من محبي الأكل الإيطالي، مطعم Alicia Trattoria بيستقبلكن على قعدة بين شوارع صور ولقمة إيطالية أصيلة.

بعيد بس كم دقيقة مشي عن شط صور، مطعم Alicia Trattoria بيقدم أكل إيطالي على أصوله. مطعم بيجمع بين العمارة الحلوة والجو الإيطالي بمطرح واحد، الفرن القديم والكراسي الخشب والنبات المعلّق والقعدة الحلوة.

مطعم Alicia Trattoria مخبى بين شوارع صور القديمة، مطعم كتير مميز لعشا رومانسي بياخدكن كمان على شوارع روما بالطعمة الأصيلة!

بتقدروا تجربوا الأكل جوا بين الأجواء الإيطالية، أو تقعدوا برا وقدامكن جمال مدينة صور وشوارعها وأسواقها وجوها التراثي. قعدة كتير حلوة ومهضومة تجربوها هالصيفية مع أصحابكن أو الشريك!

بتلاقوا منيو متنوعة بأطيب الأطباق الإيطالية والبحرية مع تقديم غير شكل. بتجربوا البيتزا المارغريتا أو على ترافل وفطر مع زيت زيتون، باستا مع قريدس وعصرة حامض، أو اللينغويني مع طعمات بحرية طازة من البحر. عندن سلطات إيطالية مختلفة ومشروب غير شكل لتكمل السفرة كمان!

لازم تجربوا مطعم Alicia Trattoria إذا عبالكن الأطباق الإيطالية التقليدية على أصولها. بتقضوا نهار كامل عم تبرموا بالمدينة وعم تتمشوا على الشط، وبعدها بتميلوا لعندن وبتدوقوا أشهى لقمة إيطالية على الغدا أو العشا!

للمزيد من المعلومات، تابعوا حسابن على الإنستغرام هون.

شوفوا كمان،١٦ مطعم بقعدة مميزة جنب النهر حول لبنان