١٧ من أفضل المطاعم الصيفية بالجنوب

وين ضاهرين هالصيفية؟ خلونا نعمل برمة على أفضل المطاعم الصيفية بالجنوب!

صور:

1. Le Phenicien – مينا صور

مطعم مشهور بصور بتقديم المأكولات البحرية الشهية، وعندو قعدة على مينا صور بتاخد العقل.

الرقم: 564 740 07

2. Cloud 59 – شط صور

مطعم Cloud 59 نايم على شط صور الرملي، عندو قعدة خيم وجو بياخدكن على جزيرة إستوائية! يعتبر من أفضل المطاعم الصيفية بالجنوب.

الرقم: 996 517 03

3. El Boutique Hotel، صور

أوتيل البوتيك بيقدم وحدة من أجمل القعدات على البحر بصور، مطعم وتراس مميز لتسرحوا بمنظر غروب الشمس وموجات البحر

الرقم: 960 740 07

4. أمواج البياضة، الناقورة

مطعم أمواج البياضة عندو قعدة بالسما مميزة بالصيفية، وبتطل على بحر الناقورة من أعالي الجبل!

الرقم: 220 522 71

5. دار ألما – صور

مطعم وأوتيل موديل قديم على بحر صور، عندو تراس مميز على البحر وأكل طيب!

الرقم: 082 740 07

النبطية:

6. سما مليتا – مليتا

مطعم سما مليتا بيتميز بقعدة خيالية بتلمس الغيوم والسما، وبيقدم أطباق جنوبية مميزة. من أجمل المطاعم الصيفية للموسم!

الرقم: 460 400 03

7. مطعم نبع البحصاصة – حاصبيا

هالمطعم بيقدم قعدة على النبع وطواحين الميّ، تراس مع فيو روعة، وجو تراثي مميز.

الرقم: 000 553 07 – 778 777 70

8. مطعم فوار الحاصباني – حاصبيا

في أحلى من القعدة فوق الميّ الجارية وجنبكن نهر الحاصباني؟ مطعم فوار الحاصباني ناطركن على أحلى قعدة هالصيفية!

الرقم: 586 297 03

9. مطعم البستان – وادي الحجير

مطعم البستان من المطاعم المميزة لتقضوا نهار كامل مع العيلة جنب نهر الليطاني!

الرقم: 727 246 81 – 160 815 71

10. مطعم هوا جرجوع – جرجوع

مطعم هوا جرجوع بيستقبلكن على جلسة ساحرة بالهوا الطلق وقدامكن الجبال والوديان.

الرقم: 427 535 07

صيدا – جزين:

11. بيت الغابة – بكاسين

بيت غابة عندو مطعم وبيوت خشب بحضن غابات صنوبر بكاسين لتقضوا أحلى عطلة صيفية بقلب واحد من أروع المطاعم الصيفية بجزين.

الرقم: 222 800 07

12. مطعم زهردة – بكاسين

مطعم زهردة عندو قعدة بالهوا الطلق وسهريات بين شجرة الصنوبر وتحت النجوم أبداَ ما بتتفوت.

الرقم: 382 184 76

13. Le Caves Roum – جزين

من أجمل المطاعم بجزين لتجربوا لقمة طيبة وقعدة مميزة بحضن الطبيعة.

الرقم: 531 056 70

14. Blue Jay Valley – جزين

مطعم بلو جاي فالي مميز بالقعدة المميزة وأطباق الفخارة المغنّجة وبيوت الضيافة الساحرة مع مسابح، بتقضوا كم يوم من العمر بربوع جزين وبتنبسطوا أد الدني!

الرقم: 088 880 78

15. مطعم لوس – جزين

مطعم لوس عندو قعدة تراثية، منظر ساحر من التراس لغابات بكاسين، ولقمة لبنانية أصيلة.

الرقم: 330 780 07

16. فلوكة غسان – ساحل صيدا

فلوكة غسان بيقدملكن المأكولات البحرية على أنواعها مع منظر روعة لساحل صيدا والبحر.

الرقم: 711 725 07

17. Saida Rest House – جنب قلعة صيدا

إستراحة صيدا مشهورة بالسمك الطيب والقعدة جنب البحر وقلعة صيدا التاريخية.

الرقم: 469 722 07

شوفوا كمان، وين أجمل منظر مغيب الشمس بالجنوب؟ استكشفوا هال 6 محلات