أكلة سمك وشخطورة…شوفوا هالمطعم بالبترون

جربنا كل شي بلبنان هل صيفية بس في بعد في هل شغلة ما جربناها… وشو هيي يا ترا؟

هوي صح ما في أطيب من أكلة سمك، بس عم تتخايلو حالكن عم تاكلو سمك بقلب شخطورة على شط البترون؟ هاي الشخطورة الزغيرة عم بصيدوا فيها كل السمك الطازة وموجودة بقلب المطعم.

مطعم Oyster’s بيقدم تجربة أكل السمك بطريقة مميزة، قعدة على البحر غير شكل، وموديل شخطورة مهضوم بقلب المطعم بحسسّكن إنكن رحتوا على جزيرة، خصوصي من من بعد نهار طويل ومتعب، نسوا كل شي وتعو على شط البترون ورخوها.

هلق الطقس صراحة كتير خرج هيك قعدة عالبحر مع حبيبكن. وبس تخلصوا أكل فيكن تنزلوا وتسبحوا كمان!

مطعم Oyster’s بيتميز كتير بسبب اللقمة الطيبة والقعدة المهضومة على الشط… وإختصاصو شي واحد بس: الصفد أو ال Oysters.

بجبلكن ياهن من إنجلترا وبحضرن على الأصول وبقدمن بقلب صحن مليان تلج مع حامض وصوصات محضرة على الأصول ويلا على البطون!

ما في أطيب من لقمة صفد مع رشة حامض… لي مش مجربها بعد عم بروح علي كتير وهاي صارت حجة لتزيدوها على ليستة القصص لي لازم تعملوها بلبنان هل صيف.

غير الصفد، رح تلاقوا عندو كل أصناف ثمار البحر أو ال fruits de mer مقدمين مع صحون المازة اللبنانية الأصيلة… يا ريت فينا ناكل هيك لقمة كل يوم ونتفرج على هل بحر شو حلو.

بس بتعرفوا شو؟ أكلة السمك ما بتنهضم من دون قنينة بيرة أو كاس عرق على رمرمية عصوت البحر. هلق إذا ما بتعجبكن ولا وحدة منن في كتير خيارات غيرن وأكيد في قصص بلا alcohol.

تعوا عيشوا هل شعور الغريب!

الرقم: 233 811 81

شوفوا كمان، لوين المشوار اليوم؟ ع فاريا عند إم رزق الله.