دار صعب: بيت أثري وحفلات ولا أروع

دار صعب عبارة عن بيت حجر عتيق وجنينة خضرا وقعدة بالطبيعة فيكن تبيتوا فيها وقت ما بدكن. هوي المكان المثالي لي بقدم مجموعة كبيرة من الخدمات والevents، متل التجمعات الثقافية والمؤتمرات والمهرجانات الثقافية والبيئية والحفلات الترفيهية والأعراس وأكيد ما بدنا ننسى طاولات الأكل الطيب.

بتلاقوا دار صعب بالشويفات، منطقة بتبعد بس ربع ساعة عن بيروت، قاعد بقلب بيت أثري عمرو فوق ال 100 سنة وبيتميز بالحيطان الحجر والشبابيك الحمر لي رح تاخدكن لبعيد.

هل بيت بيتمتع بفسحة كبيرة وحديقة فيكن تستمتعوا فيها وتحتفلوا بمناسباتكن الخاصة ببيت بيشبه قصر الأحلام.

ليش عم نقول إنو لازم تزوروا؟ هيدي هي الأسباب:

١. عندو جنينة خضرا حلوة كتير فيها بركة مي بتساع حوالي 400 شخص ومناسبة للإحتفالات بالمناسبات الخاصة بالهوا الطلق.

٢. ومش بس هيك، عندن صالة مخصصة للأعراس بتستقبل 85 شخص بشكل مريح، يعني مساحة حميمة ومريحة للتجمعات الزغيرة.

٣. أما أجواء العرس فرح بتكون استثنائية: لتحتفلوا بخطبة أو عرس على الطراز الجبلي الراقي مع أضواء خافتة وشموع وديكور بسيط، هل مطرح ما رح تلاقوا متلو. وإذا كمان عبالكن تجمعوا الماضي والحاضر، التراث والحداثة بحفلة عرسكن هيدا المحل خياركن الأفضل.

٤. مش بس هيك، كل المناسبات والevents المفتوحين لي بيدعوا فيها جميع الناس بينجمعوا مع اللقمة الطيبة ليقدموا أحلى تجربة.

٥. تأكدوا إنو تتركوا وقت كبير للصور لأن رح تطلع كتير حلوة من ورا جمال التراث والطبيعة والألوان الساحرة الموجودة.

٦. وكل جمعة بكون عندن event مميز لإلكن تشاركوا في وتغيروا جو بعيد عن مشاكل البلد ولا بتعتلوا هم الطريق ولا شي، ولا حتى الأكل ولا شو بدكن تعملوا بنهاركن لأن كل شي مزبط وجاهز ناطركن.

تاني مرة عبالكن تهربوا من المباني وعجقة المطاعم، اهربوا على دار صعب واستمتعوا بعطلة نهاية الأسبوع بجو من الهدوء الريفي والأوقات المريحة للنفسية.

للمزيد من المعلومات اتصلوا على 662 492 03

شوفوا كمان، ٥ محلات حلو لازم تجربوها ببيروت.