وين فيكن تدوقوا الأكل الهندي ببيروت؟ جربوا هال 4 مطاعم

شي مرة مجربين الأطباق الهندية؟ من الهند على شوارع بيروت، خلونا نخبركن عن 4 مطارح لتجربوا الأكل الهندي ببيروت.

1. جاي

تعرفوا على المطبخ الهندي والتايلندي عند جاي كيتشن بشارع القنطاري بالحمرا. هالمطعم بيقدم مختلف الأطباق الهندية معمولة بوصفات تقليدية وبلمسات خاصة، بتجربوا ال Butter Chicken و طبق ال Pad Thai، وأطباق الكاري الحرّة.

الرقم: 940 341 01

2. الهندي

الهندي واحد من المطاعم اللي بياخدكن على مدينة مومباي بريحة البهارات والتوابل الهندية من قلب عين المريسة. الديكور مستوحى من الحضارة والفن الهندي، بتجربوا طبق تاندوري غير شكل بجو تقليدي مميز.

الرقم: 341 361 01

3. Get Grilled

إذا انتو من محبي المشاوي والأطباق المدخنة، كتير رح تنبسطوا بالأكل الهندي بفرن الشباك عند Get Grilled. هالمطعم متخصص بالمشاوي الهندية المقدمة مع الرز المبهر بأطيب البهارات التقليدية، اللحمة والخضرا عندن متبلة ومشوية بكل شطارة وخلطاتن الحرّة أبداً ما بتتفوت.

الرقم: 889 289 01

4. مكان

مكان عبارة عن مطعم هندي بمار مخايل بيستقبلكن على جو هندي تقليدي مميز تحت فيّ الشجر والجنينة. بيقدموا أطباق الدجاج بكل أصالة والخلطات اللي بيعملوها كتير مميزة من البرياني والخضرة، شوربة البندورة، والدجاج بالكاري، وفوق هيك القعدة بتروق الراس وبتفرفح القلب.

الرقم: 057 954 70

شوفوا كمان، ١٧ من أفضل المطاعم الصيفية بالجنوب