قضوا آخر أيام الصيفية بهل مسبح بالجبل

وين رح تقضوا آخر أيام الصيف؟ قرّب يخلص الموسم وإذا مش عارفين وين تختموا الصيفية مع العيلة أو الأصحاب، خلونا نخبركن عن مطرح مميز بأعالي ضيعة كفرمتى. تعرفوا معنا على بلو وايفز Blue Waves، مسبح مميز ناطركن على قعدة بالجبل لتقضوا أحلى أيامكن!

في أحلى من إنو تقضوا الصيفية كلها عم تسبحوا وتنبسطوا بالشمس؟ الشوب إلو حل واحد، تضبوا الشنطة وتطلعوا على الجبل. بلو وايفز Blue Waves بيقدملكن مسابح واسعة مع فيو على جبال عاليه غير شكل، قعدة بالميّ وبسط ولعب!

المكان كتير رايق وخاص، مميز لعطلة مع العيلة. مسابح مغمورة بشجر الزيتون، قعدة جنب المسبح بتطل على الجبل، وتراس مميز بتقعدوا بالهوا الحلو وتعملوا مشاوي على الغدا مع العيلة. مكان بتلاقوا فيه الراحة والسلام بأحضان الطبيعة!

في أحلى من إنو تختموا الموسم بقلب المسبح، مع جاط فواكة وكوكتيل وهوا الجبل المنعش!

الحلو انو مش بس بتلاقوا مسابح، بس كمان شاليهات زغيرة ومرتية فيكن تقضوا فيهن الليلة إذا عبالكن! كل شاليه عندو فيو مفتوحة بحضن شجر الزيتون، وغرف بتحسسّكن إنكن رحتوا إجازة على بلد تاني.

بلو وايفز Blue Waves بيتميز بقعدة مرتبة وحلوة، اللمسات الغجرية، وجو مميز رح يسحركن بكل تفاصيله وقعداته اللطيفة. شو ناطرين؟ مشوا نقضي أحلى أيام عندن!

للمزيد من المعلومات، اتصلوا على 050 283 70

شوفوا كمان، بيت جبل زغير وقعدة تحت التين ناطرتكن بدير القمر