غزدارو: قعدة فوق الغيوم وأكل طيب

هلق اليوم رح نطلع عل محل بحبوا قلبكن كتير، على جبيل لنشوف المنظر كيف بكون من هل نقطة.

غزدارو Gazdaro عبارة عن فان مهضوم بتلاقوا فوق فوق فوق وبيعجب خاطركن. على طريق عنايا، ناطركن هل محل لي عم بحضر أكل طيب مع أجواء بتطير العقل.

غازدارو عندو قعدات كتير مهضومين بقلب علب نايلون. مقاعد مريحة وتكايات ملونين على الأرض وطاولات وكراسي لكل حدا حابب يعيش تجربة المغيب مع لمسة جبلية وهوايات حلوين وكاس وشوية أكل على الماشي.

إنتو وقاعدين بغازدارو رح تحسوا حالكن قاعدين فوق الغيم، بتلاقوا عندو كل أنواع المشروب وفي قعدة على سطح الفان كمان. الحلو بهل محل إنو رح تشوفوا المغيب إنتو وعم تبوردوا وما في رطوبة متل على الساحل.

حتى رح يلزملكن شرشف بالليل لأن الهوا بصير مسقع شوي بس ولا ألذ من هيك.

قعدة حلوة وبسيطة فوق الغيم ورواق لأبعد الحدود: بحضروا أكلات الطفولة متل البرغر والمناقيش والكريب والساندويشات والسلطات الشهية.

إذا حابين تعيشوا هاي التجربة المميزة، غزدروا على غازدارو وخبرونا رأيكن في.

للمزيد من المعلومات، اتصلوا على 165 583 76

شوفوا كمان، عبالكن برغر لبناني شغل بيت؟ مشوا معنا على هل محل.