ع صعيدي: سهرة “هز يا وز” مصرية وركوب جمل عند هل محل بلبنان

“ع صعيدي وله يا وله يا صعيدي حبك والله مكنش بايدي”… هيك حتكون الأجواء هل خميس لأن ناطرتكن سهرة مصرية تراثية على الأصول عند جرودي بالزعرور.

جرودي مكان سحري مخبى بالزعرور بقدملكن سهرات نار وحفلات مميزة وأكل طيب لتتونسوا على الآخر وتفرحوا قلبكن.

المكان بقدم حفلات حسب المناسبة يلي بتختاروها وكل حفلة أحلى من التانية. الحفلات العادية بتصير كل تنين، عندن مطرح لسهرة نار برا مع سينما بالهوا الطلق لتحضروا أفلام لطلوع الضو.

رح تتميز السهرة بالأغاني الشرقية والمصرية، سهرات صعيدي، رقص شرقي، عروض على الجمل وقصص كتير كتير مشوقة. وأحلى شي رح تعيشوا هيي تجربة الركوب على الجمل… رح تحسوا حالكن عم تتمشوا قدام الأهرامات.

كمان بيطلعلكن فوق هيدا وكلو مطعم بقدم أكل طيب لتنبسطوا بالقعدة أكتر و أكتر.

سعر البطاقة: 20$ على الكبار و10$ على الزغار (أزغر من 8 سنين).

شو بعد ناطرين؟

للمزيد من المعلومات اتصلوا على 919 091 03

شوفوا كمان، أجمل بيت ضيافة بالبترون فيكن تقضوا ليلة في.