أطيب أكلة سمك بالجنوب عند مطعم فلوكة!

ما بيكمل المشوار على صيدا من دون أكلة سمك محرزة! لكل محبي المأكولات البحرية، جبنالكن مطعم بصيدا بيقدم تجربة أكل ما بتنتسى. تعرفوا معنا على فلوكة، مطعم بحري بيقدم أطيب أكلة سمك بالجنوب.

فلوكة مقصد أساسي لكل عشاق السمك بصيدا! مطعم بيقدم منيو متنوعة من المأكولات البحرية و السمك الطازة من البحر. عندن أكبر مسمكة بالجنوب كله مع واجهة مليانة تشكيلة مميزة من السمك. مكان معروف عند كل اللي جربوا قبل بالجودة العالية، السمك اليومي، النضافة بالشغل، والعالم بتجي لعندو من آخر الدني! مطعم بتجربوا أول مرة، وبترجع عليه مية مرة!

ومش بس هيك، فلوكة غسان عندن أكبر صالة للغدا بين المطاعم البحرية بالجنوب، وكمان قعدة على البحر مميزة. مطعم غير شكل لعزيمة أو جمعة كبيرة للعيلة و الأصحاب على أكلة سمك بتشق القلب.

بتلاقوا عند فلوكة شو ما بيخطر عبالكن من أصناف السمك، وكل اللي عليكن تنقوا وتستحلوا! إذا بتحبوا السمك البزري المقرمش، السمك المقلي مع عصرة حامض، طاجن السمك، السمك المشوي مع تتبيلة مميزة، أطباق السمك النيّ الطازة، وغيره من الأطباق الشهية، ضروري تجربوا الأكل عند فلوكة غسان!

هالمطعم معروف بتقديم الأكل على سفرة كريمة ومفروشة من الميل للميل بأطباق غنية ومازة بحرية مشكّلة. لكل حدن عندو نفس على الأكل البحري، ما رح تلحقوا حالكن عند فلوكة. بتجربوا القريدس على أنواعه مقدم مع الخضرا المشوية ومغمّس بالصوص المميزة، أو مع الحمص ومزيّن بالمكسرات المقرمشة.

وأكيد ما تنسوا تجربوا ال Paella على طريقة غسان، طبق بيفتح النفس وبيجمعلكن ثمار البحر كلها بلقمة وحدة شهية.

بتدوقوا سلطات بحرية طعمها فريش وطيب مع الأناناس والمانجو، أو سلطة الكراب المحرزة، وأكيد تشكيلة متنوعة من المازة اللبنانية اللي بتكمل كل سفرة!

يلا خبرونا، مين بتعزموا عند غسان؟

للمزيد من المعلومات أو الحجز، اتصلوا على 009 060 70 – 711 725 07