مهرجان برمانا: سوق أكل وألعاب وموسيقى (الدخول مجاني)

رجع رجع مهرجان Street Festival على برمانا وهل سنة ولعانة كتير! محضرلنا مفاجآت ما بتخلص.

مبلش المهرجان اليوم ورح يكفي للأحد من الساعة 5 بعد الضهر للساعة 12 بالليل. رح تضوي شوارع برمانا وتنتلي عالم وناس وزوار من كل لبنان ويلا!

حزروا شو؟ الدخولية مجانية ما بتدفعوا ولا نغلة. لكل حدا حابب يغير جو من دون ما يتكلف ويدفع شي هيدا المشروع مناسب لإلكن ولجيبتكن!

اللذيذ بالموضوع إنو برمانا منطقة جبلية بإمتياز وبنفس الوقت قريبة عبيروت، فمرح ياخد معكن المشوار شي.

شو في بالمهرجان؟ أكيد رح يكون في رقص وموسيقى وغناني ليوم الغناني وألعاب للولاد ونشاطات مسلية!

رح يكون في أكتر من 30 ستاند، كل واحد رح يكون مخصص شي ورح يكون في كل شي بيخطر على بالكن وأكيد أكل كتير طيب وحلويات!

لتكمل فرحتكن، كيف ما رح تبرموا رح تحسوا بسحر برمانا حواليكن وألوان الصيفية والطقس الحلو وأكيد فيكن تاكلوا بهل أجواء بمطاعم السوق أو تبوردوا وتشربوا عصير فريش أو بوظة.

يلا دوروا السيارة وصفوها أول الشارع وعيشوا أجواء الصيفية!

للمزيد من المعلومات اتصلوا ب Street Festival على 420 004 81

شوفوا كمان، أجمل ذكريات الطفولة اللبنانية.