قعدة جنينة بين ورد الجبل ناطرتكن عند جوليت!

ما في أحلى من قعدة بالجنينة! إذا عبالكن قعدة رواق بالطبيعة وجلسة على الهدا، مشوا معنا على جوهرة مخباية بضيعة القليعات الكسروانية. بتمرقوا بشوارع عتيقة وطبيعة الجبل لتوصلوا “عند جوليت”، جنينة ساحرة الجمال مخباية ببيت تراثي.

بتلاقوا مخبى بقلب بيت كسرواني قديم عمرو 300 سنة جنينة جوليت، جنينة رومانسية وساحرة، مخباية عن العالم ومغمورة بالشجر، ورد الجبل الملونة، النبات المعلّق، ونسمة الهوا اللطيفة.

هالجنينة مليانة لطافة وجمال! من جلسة تحت فيّ الشجر، نومة على العشب تحت دفى الشمس، قعدة رومانسية تحت الخيمة جنب الورد، وتمشاية بحضن الجنينة على رواق. بتجتمعوا مع أحبابكن على غدا غير شكل، مشاوي وأكل بيتوتي، عصير فريش وجو لزيز، وبتملي أحاديثكن هالمكان الحلو. جنينة جوليت ناطريتكن لتعملوا أجمل الذكريات وتعيشوا أحلى اللحظات.

وقعدة الجنينة ما بتكمل من دون الحلويات الطيبة، الفواكه الموسمية الطازة، مع ركوة قهوة على الهدا. منظر وجو وقعدة بيفتحوا النفس وبروقوا الراس! جنينة جوليت بتستقبلكن على إحتفلات الخاصة، جمعاتكن مع الأحباب، العزايم و البوفيهات، وحتى الأعراس الزغيرة.

البيت من جوا تفاصيله بتاخد العقل و بترجعكن بالزمن لورا، قعدة تراثية مع لمسات فنية و إبداعية بالديكور! مكان بيفتح القلب وكتير رح تنغرموا فيه!

الحلو انو فيكن كمان تقضوا فيه ليلة و تفيقوا الصبحيات على ترويقة بيتوتية بالجنينة أو بقلب البيت! مكان مميز لنهار مع العيلة، أو وقت رومانسي مع الشريك!

للمزيد من المعلومات أو الحجز، اتصلوا على 662 585 03. وتابعوا جنينة جوليت على حسابن على الإنستغرام هون.

شوفوا كمان، تجربة ممتعة ورومانسية…حضروا الباستا بإيديكن من هالمطعم الإيطالي