٤ مطاعم جبلية بالجنوب لمشوار آخر الصيف

شو رأيكن نروح مشوار آخر الصيف على ربوع الجنوب؟ كزدورتنا اليوم بتاخدنا على مناطق الجنوب الجبلية لننبسط بالقعدة الرحبة والجو الحلو واللقمة الطيبة. تعرفوا معنا على 4 مطاعم جبلية بالجنوب ضروري تجربوهن. 

1. مطعم كتف الوادي – جرجوع

مين عبالو لقمة لبنانية طيبة من فوق الوادي؟ مطعم كتف الوادي من أفضل مطاعم جبلية بالجنوب، قاعد بجنة جرجوع الخضرا جنب الجبل، بيقدم لقمة مشاوي مميزة مع إطلالة جبلية بترد الروح. جوهرة مخباية بالنبطية مع قعدة خيالية!

الرقم: 882 540 03 – 629 075 03

2. مطعم لوس – جزين

بتلاقوا عند مطعم لوس تجربة أكل ما بتنتسى بجزين! لقمة مشاوي ومازة لبنانية مع كاس عرق بلدي، مناظر غابات الصنوبر ولفحات الجبل، قعدات التراس والجو التراثي، مطعم جبلي غير شكل للعيلة!

الرقم: 330 780 07

3. سما مليتا، عين بوسوار، النبطية

عم تفتشوا على قعدة بين الغيوم؟ من أعالي مليتا، بتلاقوا مطعم سما مليتا، جار السما والغيم! لقمتو طيبة، عندو جنينة واسعة للعيلة، ومنظر غروب الشمس عندو أبداً ما بيتفوت! 

الرقم: 460 400 03

4. Blue Jay Valley – جزين

عبالكن عرق بلدي ولحمة نية ومشاوي على أحلى مناظر جزين؟ مطعم ومنتجع بلو جاي فالي مميز بالقعدة الساحرة وأطباق الفخارة والسفرة المغنّجة. مطرح بقلب الطبيعة وعندو قعدات رايقة وكمان بيوت ضيافة جبلية!

الرقم: 088 880 78

شوفوا كمان، ٣ قعدات تحت شجر الزيتون بلبنان