أطيب 12 محل Frozen Yogurt حول لبنان

لكل عشّاق بوظة Frozen Yogurt الباردة والكريمية، حضّروا حالكن! جمعنالكن 12 محل Frozen Yogurt طيب ومميز بكل لبنان، لازم تجرّبوها مع أصحابكن أو تاخدوا الولاد وتدلّعوهن بشي بارد ولذيذ!

1. Pinkberry، فروع ABC أشرفية و ABC فردان

أشهر وأطيب محل فرويو بلبنان، والحلو إنو منزّل هيدي الصيفية نكهة جديدة بالتوت مع ألذ الإضافات المنعشة!

2. Happy Spoon، راس بيروت

الفرحة بتجي بملاعق صغيرة من Happy Spoon . مكان ملون بيقدملكن ألذ Frozen Yogurt، والمميز انو في طعمات ونكهات جديدة وطيبة كل أسبوع هيك كل تجربة تذوق عندن مش متل التانية! 

3. Froyo Heaven، بير العبد

محل بيفرفح القلب أد ما مهضوم! بيقدم يوغورت بنكهات مميزة متل الفستق والمانغو وإضافات طيبة متل حبّات البوبا. محل غير شكل لتضهروا الولاد عليه وتجربوا بوظة طيبة!

4. Donia، صنايع

بتميلوا عند “حلوة يا دنيا” وبتستمتعوا بأطيب شي بالدني! عداً عن المعجنات الطازة والقهوة الطيبة، هالمطرح مشهور بأطيب كبايات اليوغورت المقدمة مع مختلف أنواع الفواكة الطيبة!

5. Stories، فروع كافة

هالمكان فات على بقلوب الناس لأنو عندو Frozen Yogurt بيشهي! الكباية مليانة ومقدم مع أطيب الإضافات متل الشوكولا والفواكة والبسكويت و المارشميلو وغيره من القصص الطيبة. بتميلوا لعندن آخر الضهرة، وبتدوقوا بوظة طيبة!

6. Deli Dough، عاليه

لكل محبي الحلو، هالمحل طيب وبيقدم يوغرت متلج وكريمي على الطريقة الكلاسيكية، ومش بس هيك عندن مخبوزات بتشهي!

7. Flurky، جونية

فرويو ناعمة، منعشة، وبمختلف النكهات يلي بتناسب كل الأذواق عند فلاركي!

8. The Frozen Bean، مزيارة وجونية

محل جديد فتح ل Frozen yogurt بلبنان، عندو نكهات مميزة متل الفستق مع الرمان!

9. Em Sherif Deli، مينة الحصن

إم شريف نزلوا فرويو مميز للصيفية، محلّى بالعسل الطيب ومع إضافات مقرمشة!

10. Cold Stone Creamery Lebanon، فروع كافة

هالمحل المحبوب بيفتح بكتير مطارح بلبنان، وعندو كل شي لتنتعشوا: بوظة، فرويو، مشروبات مسقعة، وغيرو!

11. Nosh Cafe، أميون الكورة

12. Frio، القبيات عكار

إن كان عبالكن ماري كريم أو فرويو بعكار، لازم تجربوا هيدا المحل. عندن فرويو مع بابلبز شكلها روعة!

أي محل Frozen Yogurt رح تجربوا حول لبنان؟

شوفوا كمان، 55 شط تزوروهن حول لبنان لصيف 2025