شوفوا هل-٥ محلات لأطيب Frozen Yogurt ببيروت

لكل محبي بوظة ال Frozen Yogurt الكريمي والمتلّجة، خلونا ناخدكن على أماكن مميزة! شوفوا هل-٥ محلات لأطيب Frozen Yogurt ببيروت، لتجربوها مع أصحابكن أو مع الولاد قبل ما يخلص الموسم!

1. Happy Spoon، راس بيروت

الفرحة بتجي بملاعق صغيرة من Happy Spoon بـ Sporting Beach Club. مكان ملون بيقدملكن ألذ Frozen Yogurt، والمميز انو في طعمات ونكهات جديدة وطيبة كل أسبوع هيك كل تجربة تذوق عندن مش متل التانية! 

2. Froyo Heaven، مينة الحصن وبير العبد

محل بيفرفح القلب أد ما مهضوم! بيقدم يوغورت بنكهات مميزة وإضافات طيبة متل حبّات البوبا. محل غير شكل لتضهروا الولاد عليه وتجربوا بوظة طيبة!

3. Donia، صنايع

بتميلوا عند “حلوة يا دنيا” وبتستمتعوا بأطيب شي بالدني! عداً عن المعجنات الطازة والقهوة الطيبة، هالمطرح مشهور بأطيب كاسات اليوغورت المقدمة مع مختلف أنواع الفواكة الطيبة!

4. Stories، فروع مختلفة

هالمكان فات على بقلوب الناس لأنو عندو Frozen Yogurt بيشهي! الكباية مليانة ومقدم مع أطيب الإضافات متل الشوكولا والفواكة والبسكويت و المارشميلو وغيره من القصص الطيبة. بتميلوا لعندن آخر الضهرة، وبتدوقوا بوظة طيبة!

5. Meat The Fish، صيفي

لكل محبي الحلو، هالمحل طيب وبيقدم يوغرت متلج وكريمي على الطريقة الكلاسيكية، وفيكن تضيفوا عليه بسكويت أو فواكة! لازم تجربوا اليوم قبل بكرا!

شوفوا كمان، بتحبوا الفن؟ شوفوا هل-٤ كافيهات اللطيفة ببيروت