لقينالكن ٣ من أطيب مطاعم حصرون

عبالكن طلعة غير شكل على الجبل؟ نشم هوا نضيف ونتأمل بالمناظر الجبلية الساحرة؟ خلونا ناخدكن مشوار على ضيعة حصرون، ضيعة لبنانية بين وادي قنوبين ووادي قاديشا ومعروفة بوردة الجبل لجمال طبيعتها وقررنا نكتشفها اليوم وكل جواهرها المخفية. ولأنو ما بيكمل المشوار من دون اللقمة الطيبة، لقينالكن 3 من أفضل مطاعم حصرون. مشوا نتعرف عليهن سوا!

1. Root 829

مطعم روت بيقدم قعدة ساحرة بالهوا الطلق بقلب جنينة وتحت الشجر والخضار. مكان مزين بالأضوية الساحرة وورد الجبل وعندو قعدة بالطبيعة وجو بيتوتي ومكنكن.

القعدة عندو ساحرة الجمال، خصوصي وقت الخريف لما الهوا برود والجنينة مغمورة بالألوان الدافية.

عندو منيو أطباق عالمية متل البيتزا والباستا والبرغر، وكمان ترويقة لبنانية غير شكل. مطعم بتقدروا تبلشوا نهاركن فيه بحصرون، وكمان تميلوا عليه وقت الغدا أو العشا! واحد من أجمل مطاعم حصرون!

الرقم: 829 000 71

2. مطعم نيكولا

مطعم نيكولا بيقدم قعدة غير شكل لغدا مع العيلة بالنهار، ومطرح مهضوم للسهرة بالليل. عندو برغر طيب، سندويشات محرزة، سناكات، وتحلاية مميزة.

الرقم: 406 442 03

3. مطعم يلا عول عول

هالمطعم ناطركن بين شوارع ضيعة حصرون على ريحة الفروج المشوي على الفحم!

بيتميز بالمشاوي الطيبة، بس كمان عندو معجنات وبيتزا وكوكتيل وقصص كتير طيبة!

الرقم: 438 783 03

شوفوا كمان، لقينالكن ٥ من أطيب مطاعم الباروك