مهرجان فرن الشباك: موسيقى ورقص وأكل طيب (الدخول مجاني)

جايبينلكن هل مرة خبرية بتطوش، هل ويك-أند رح يكون الجو ولعان بقلب مهرجان فرن الشباك لأن في مهرجان Street Festival محضرلنا متل العادة مفاجآت كتيرة.

هل مرة المهرجان ما رح يكون بضيعة ولا منطقة جبلية، رح يكون بمنطقة بتبعد بس ربع ساعة عن بيروت ويلي هيي فرن الشباك.

شو الحلو؟ إنو الدخول مجاني متل العادة، يعني بتصفوا سيارتكن وبتنزلوا تتمشوا وبتغيروا جو.

شو ناطركن بالمهرجان؟ موسيقى وعزف مباشر ومسابقات وستاندات أكل وحلو ومحلات مونة وأكسسورات، يعني بتحتاروا شو بدكن تعملوا وشو بدكن تشتروا وشو بدكن تاكلوا. بتتمشوا بالشارع وبترجعوا بتاكلوا شي طيب وبتقضوا وقت حلو مع أصحابكن.

الولاد كمان رح يكون إلن حصة كبيرة، رح يتسلوا كتير لأن في Kids Zone مخصصة بس للولاد رح ينظموا ألعاب ونشاطات مسلية متل الanimation وألعاب السيارات وغيرها.

المهرجان مبلش اليوم ورح يضل لنهار الأحد، من الساعة 5 بعض الضهر للساعة 12 بالليل، لتعرفوا أكتر ما إلكن غير تتصلوا بفريق Street Festival على 420 004 81.

لهيك، كونوا كتار واستفيدوا من آخر إيام الصيفية!

شوفوا كمان، أطيب محلات اللحم بعجين ببيروت.