ساندويش روستو من ديّات إم علي وأبو علي ببيروت

تعرفتوا على إم علي وأبو علي شي؟ إذا لأ، كتير عم تروحوا على حالكن… مشوا معنا لعند ملك الروستو.

انزلوا على الغبيري، وهونيك بتلاقوا محل ملك الروستو بلقمتو الطيبة والمعمولة على الإيد.

بلش ملك الروستو يلف عرايس روستو سنة 1984، غير إنو ساندويشاتن بشهوا كمان عندن أطيب قلب وروح بتجنن.

إسمو ملك الروستو وعنجد بيستاهل اللقب، بلفلكن أطيب ساندويش روستو على الطريقة البيتوتية!

إسم على مسمى، ملك الروستو هوي ملك ساندويش الروستو بكل لبنان. ساندويشة الروستو عندو كتير طيبة وبسيطة بنفس الوقت، الروستو طازة مخلوط بتتبيلة سرية مع صوص وشوية بهارات لا أطيب من هيك مع حبات كبيس وبندورة على الوج لتصير طعمتها أطيب وأطيب ومحمصة بخبزة غير شكل.

خلطات سرية ولا أطيب من هيك بتلاقوها عند ملك الروستو! تفضلوا على أطيب لفة شاورما لحمة مطبوخة بمطبخ الملك وزيدوا علين لفة السودا الأسطورية وساندويش الدجاج اللإكسترا لي بحضرها وغيرن كتير كمان!

لما تزوروا إم علي وأبو علي، السندويشات رح تذكركن بأيام الطفولة الحلوة من ورا اللقمة الطيبة، النضافة، والسعر الحلو. حتى القعدة كتير متواضعه، وكتر في ناس بيجوا بياكلو لقمتن على الواقف أو بالسيارة وبكفوا مشوارن.

صحيح إنو الأكل حاجة، بس اللقمة الطيبة من عند ملك الروستو فن وزيادة!

الرقم: 806 542 01

شوفوا كمان، ٤ محلات شاورما فتحت جديد بلبنان!