تسلق بالحبال أو Zip-lining؟ شوفوا ٩ مطارح لتمارسوا رياضات حماسية بلبنان

لكل محبي الحماس والمغامرة، جبنالكن أماكن خص نص للأدرينالين! في كتير مطارح حول لبنان بتقدم أنشطة ورياضات حماسية،  فشوفوا معنا ٩ مطارح لتمارسوا رياضات حماسية بلبنان.

1. Gravity Activities، الكورة

موقع مميز بالكورة للتخييم و وجهة بتناسب العيل والأصحاب وكل حدن عندو حماس. بتقدروا عندن تعملوا Zip-lining ، التسلق على الجدران، الحبال العالية، ركوب البيسكلات، تخييم بالطبيعة، وكمان ممارسة الـ Hiking. 

الرقم: 165 782 03

2. Hilhout Village، خنشارة

هالمطرح جوهرة مخفية بين شجر الصنوبر مع قعدة بالهوا الطلق. مقصد غير شكل للجمعات الكبيرة متل العيل الكبيرة والأصحاب. عندن مختلف النشاطات و رياضات حماسية، متل المشي بالهوا Skywalk،  Zip-line ، القذف، القواص، وغيرن.

الرقم: 711 757 70

3. The Pine Yards، مار موسى الدوار

مطرح مميز بالطبيعة لتنبسطوا بمختلف الرياضات الحماسية أو تعملوا بيكنيك بالهوا الطلق. عندن رياضة الرماية، مراجيح كبيرة، الترامبولين، رياضة الحبال العالية، وكمان ألعاب التنس، وحتى مكان مخصص للشوي.  

الرقم: 629 281 03

4. محمية أرز تنورين، تنورين

شلالات بالوع بلعا رح تدهشكن بجمالها الخيالي وكمان بالرياضات المميزة اللي ممكن تعملوها بهل مطرح متل رياضة التسلق وال Rappel من فوق الجبل. مكان طبيعي بيقدم تجربة ومنظر فريد من نوعه! 

للمزيد من المعلومات، إكبسوا هنا.

5. Arsoun Village، المتن

أرصون فيلدج مكان مميز تجربوه بالويك-اند مع العيلة والولاد. عندن نشاطات مميزة لمحبي الأدرينالين، وعندن دورات متنوعة ومختلفة درجة الصعوبة. مكان عنجد بتتحدّوا حالكن فيه! 

الرقم: 111 228 71 – 111 226 71

6. Swings، المتن

مكان مميز لكل عشاق التخييم بالطبيعة والرياضات الحماسية. عندن نشاطات بتناسب مختلف الأعمار ومساحات واسعة ومجهزة بكل شي!

الرقم: 648 796 03

7. X-Plore Adventure Park، صور

متنزه X-Plore Adventure منتزه كبير بالجنوب للعيلة والولاد. بتلاقوا عندن كل الرياضات الحماسية، حديقة للحيوانات، ملاعب ومطعم، وقعدة جنب البحيرة. 

الرقم: 905 990 81 

8. روضة العاصي، الهرمل

منطقة هرمل معروفة كتير برياضة ال Rafting خصوصي بقلب نهر العاصي، وروضة العاصي بالمنطقة عندن أحلى تجربة Rafting بالميّ!

الرقم: 933 763 03

9. Maison de la Foret، بكاسين

عم تفتشوا على مطرح مميز للمغامرة؟ ما إلكن إلا تتوجهوا على غابة صنوبر بكاسين، وتحديداً عند بيت الغابة. عندن مجموعة مميزة من النشاطات بالهوا الطلق متل إستكشاف دروب المشي، التسلق، ركوب البيسكلات، وغيرن من القصص الحلوة.

الرقم: 222 800 07

شوفوا كمان، لقينالكن ٢١ مطعم بحضن الطبيعة حول لبنان