٤ بيوت قبة خريفية مع قعدة رايقة

جايي الويك-أند وما في ألذ من إنو تتركوا كل شي وتروحوا مع حدا كتير بتحبوا وتجربوا القعدة ببيوت قبة مع منظر طبيعي ساحر وهيك بتكون إجازة خريفية مكنكنة ودافية.

١. هايدواي Hideaway Suites، الدبية

إذا كنتوا عم تدوروا على قطعة جبلية رايقة، هل بيت القبة الزغير والمريح رح يعجبكن كتير. المكان عندو إطلالة خرافية على المنطقة، وبتقدروا من خلالو ترتاحوا بقلب القبة أوعلى التخت أو حتى تستمتعوا بقعدة الجاكوزي بالهوا الطلق.

الرقم: 434 804 81

٢. لا لونا La Luna، أدما

بيت الزغتور عندو ديكور مودرن ومرتب مع تفاصيل كتير بسيطة بس ساحرة. الألوان رايقة و دافية والصوفا والتخت مكنكنين ومريحين. ما في أجمل من القعدة بأوضة كاشفة بتطل على مناظر من أجمل ما يكون وإنو تدفوا بقلب البيت وتكبوا همومكن لبرا.

الرقم: 231 987 70

٣. سكاي دومز Sky Domes، دلبتا

بيت قاعد بقلب الطبيعة بيتميز بأوضة مريحة ورايقة، بتناموا نومة هنية وبتفيقوا الصبحيات، بتتمشوا بالجنينة مع فنجان قهوة وبتلاقوا ناطرتكن ترويقة غير شكل. وإذا إجا عبالكن بتغطسوا حالكن بقلب الجاكوزي وبتدفوا إنتو وبقلب الميات والهوا عم يغمر دينيكن.

الرقم: 613 853 76

٤. أوريكا Eureka، (بحمريه (الشوف

بطل بيت القبة هيدا على غابات الأرز المجيدة. وإذا كان الطقس حلو، بتطلعوا بتتمشوا بالجنينة، بتاكلوا ترويقتكن بوج الجبال، وبتقعدوا بقلب الجاكوزي الدافي لي بطل على منظر الجبال لي برد الروح. أما عشية فبتتفرجوا على النجوم مع حبيبكن وبتسمعوا موسيقى رومانسية وبتغفوا على صوت الطبيعة.

الرقم: 382 804 81

شوفوا كمان، ٥ مطاعم خريفية مع قعدة مكنكنة.