عيشوا تجربة تحويش الزيتون وقضوا نهار حافل بالجنوب هل ويك-أند

عبالكن تعيشوا تجربة مميزة هل ويك-أند؟ عنا خبرية كتير حلوة ومهضومة لعشاق الطبيعة والمغامرات. هل مرة جايبينلكن مغامرة غير كل المغامرات وهل مرة المغامرة هيي إنو تقضوا نهار كامل عم تحوشوا زيتون بدير ميماس.

قضوا نهاركن عم تحوشوا زيتون ببساتين دير ميماس، يعني بأكتر منطقة بلبنان عندها زيتون طيب!

هل نشاط من تنظيم فريق Discover Beyond Borders ورح يتخلل النهار زيارات لمعاصر زيت الزيتون بالمنطقة وتذوق زيت الزيتون ومش بس هيك غدا بيتوتي جنوبي بقلب بيت ضيافة بيتوتي. يعني فرح وتسلية وأكل طيب!

بس ما تعتلوا هم الجوع لأن رح تبشلوا جولتكن بالبساتين أول شي بترويقة خفيفة لما تحسوا بالجوع من مناقيش زعتر وكيك وقهوة وشاي مع العيلة المضيفة ومن بعدها ببلش مهرجان القطيف.

ومش بس هيك،ما رح يخلص النهار هون، رح يتخلل هل نهار كمان زيارة للمعالم السياحية بمنطقة دير ميماس والحدود الجنوبية ورح تشاركوا بتشجير شجرات الزيتون.

ختام النهار مسك رح يكون بمشاهدة المغيب بمنطقة الناقورة الساحرة الجمال مطرح ما رح تلاقوا أجمل وأنضف بحر بلبنان ناطركن.

نقطة التجمع نهار الأحد رح تكون الساعة 7 الصبح عند مكتب Discovery Beyond Borders بزوق مصبح والإنطلاق على الساعة 7:30 الصبح.

بالنسبة للسعر فهوي 70$ على الكبار و35$ على الولاد لي تحت ال12 سنة.

للمزيد من المعلومات اتصلوا على 804 007 03

شوفوا كمان، ٤ بيوت قبة خريفية مع قعدة رايقة