أطيب ترويقة عالبحر بهل-٧ مطارح حول لبنان

في أروق من ترويقة لبنانية وقهوة طيبة على صوت الموجات؟ خلونا ناخدكن اليوم 7 مطارح حول لبنان لتدوقوا ترويقة عالبحر!

1. الفلمنكي، الروشة

عبالكن ترويقة عالبحر غير شكل وقدامكن واحد من أجمل المناظر بلبنان؟ مطعم الفلمنكي بيقدم أطيب ترويقة لبنانية على أصولها من مناقيش وفول وحمص على منظر صخرة الروشة.

الرقم: 011 808 78

2. قهوة سنفريان، جونية

قهوة سنفريان مطرح مميز من فوق ساحل جونية، بتجربوا ترويقة طيبة وبتنبسطوا بمنظر خيالي للبحر. عندو قعدة رواق الصبحيات بتاخد العقل!

الرقم: 055 755 81

3. رايز، البترون

رايز مطعم غير شكل لتستمتعوا بجمال البحر الصبحيات مع لقمة طيبة وقهوة غنية. مطرح دغري جنب الشط وعندو احلى المناظر بالبترون.

الرقم: 703 919 03

4. راستيكا، صور

ترويقة فتة، فول وحمص وبيض، كنافة، وقصص كتير طيبة ناطرتكن عند راستيكا بصور. قاعد على الساحل ومطرح روعة لتسرحوا بالبحر الصبحيات مع لقمة بتشهي.

الرقم: 183 827 03

5. الحرتقجي، صور

الحرتقجي عندو مناقيش طازة وفيو للبحر بتاخد العقل، مطعم بتروقوا راسكن فيه وبتنبسطوا بأكل طيب ع الصبح.

الرقم: 053 073 81

6. قهوة البلد، صور

قهوة البلد عبارة عن قهوة مهضومة قاعدة على البحر. عندن ترويقة فتة وفول وحمص ومناقيش وكل شي ممكن يخطر عبالكن لتبلشوا نهاركن صح بصور.

الرقم: 483 481 81

7. قهوة 60، صيدا

الصبحية عند قهوة 60 غير شكل! قعدة رواق، جو الستينات، المونة الطيبة، الترويقة الغنية والكريمة، وكمان تراس ساحر بيطل على ساحل صيدا!

الرقم: 000 196 79

شوفوا كمان، ٨ محلات بيعملوا أطيب فتة بلبنان