مهرجان التفاح بإهدن: أكل طيب ونشاطات مميزة (الدخول مجاني)

شو عاملين هل ويك-أند؟ عبالكن تغيروا جو وتروحوا على ضيعة جبلية وتهربوا من عجقات بيروت؟ مشوا معنا على ضيعة إهدن الحلوة وخلونا نسرح ونمرح بمهرجان التفاح هل سبت.

بتوصلوا على الكوبرا بإهدن وبتلاقوا الكيوسكات ناطرينكن لتعيشوا الفرح وتدعموا المزارعين المحليي ولتنتعش الحياة بالضيعة بعد نهاية الصيف وبداية الخريف.

المهرجان رح يصير نهار السبت من الساعة 3 بعد الضهر للساعة 8 بالليل وهيك بس تخلصوا المهرجان بتروحوا بتتعشوا بمطاعم إهدن وبتتمشوا بالضيعة وبتبوردوا شوي.

لح يكون في مأكولات خاصة، وفقرات للتسلية رح تتضمن نشاطات كتيرة للولاد وهيك هني كمان رح يتسلوا ويقضوا وقت حلو مش بس الكبار.

^{via @NisrinJouni}

رح تلاقوا كمان قصص معمولة بس من التفاح متل مربى التفاح وحلو التفاح وشراب التفاح وغيرن وغيراتن.

جيبوا معكن رفقاتكن وقرايبينكن وقضوا نهار مليان ضحك وفرح وتسلية وعملوا ذكريات ما بتنتسى!

كل هيدا وما تحمستوا بعد؟ يلا على إهدن!

للمزيد من التفاصيل اتصلوا على 586 496 76

شوفوا كمان، ١١ محل فيكن تشوفوا منن المغيب ببلاش بلبنان.