شو مشاريعنا
أجمل ١٦ بيت ضيافة بحضن الطبيعة بلبنان
عبالكن تقضوا كم نهار راحة بحضن الطبيعة؟ خلونا ندلكن على أجمل 16 بيت ضيافة بحضن الطبيعة بلبنان.
كسروان:
1. أنديرا، كفور
بيت تراثي متل القصور الساحرة. عندو قعدة ملوكية مغمورة بالشجر والورود، وكل وسايل الراحة والخدمات المميزة.
الرقم: 046 290 03
2. كايم، ميروبا
بيت ضيافة بحضن الطبيعة بموديل مودرن وفيو مفتوحة على الغابة. عندو قعدة رواق رومانسية بعيدة عن العالم.
الرقم: 494 649 81
3. بيت طراد ، كفور
بيت لبناني تراثي ساحر الجمال. بيتميز بالقناطر العالية، قعدة الجنينة، والمناظر الطبيعية الخلابة.
الرقم: 242 414 70
4. سكينة، فتقا
بيت ضيافة مكنكن بحض الطبيعة، ناطركن على قعدة رواق ومناظر جبلية ساحرة.
الرقم: 225 522 70
5. ذا دوم ، كفردبيان
بيت قبة مكنكن وقاعد بحضن الغابة، عندو أحلى قعدة خريفية هالموسم.
الرقم: 330 331 70
الشوف:
6. بكرزاي، بعقلين
قعدة تراثية بالشوف، مناظر طبيعية ساحرة، وأكل جبلي طيب ناطركن عند بكرزاي!
الرقم: 020 512 03
7. بيت الجبل، دير القمر
عبالكن قعدة جبلية من فوق الوادي؟ بيت الجبل عندو قعدة رومانسية، وتراس ساحر، وجنينات خلابة بدير القمر.
الرقم: 767 160 71
8. بيوتي، معاصر بيت الدين
إستمتعوا بجمال معاصر بيت الدين والطبيعة الجبلية عند بيوتي. عندن كل القعدات الحلوة بالطبيعة والخدمات المميزة لعطلة غير شكل.
الرقم: 200 726 03
جبيل:
9. Villa Botanica، جبيل
فيلا خيالية بحديقة سرية بجبيل، بتاخدكن على تايلند لتعيشوا أحلى اللحظات.
10. بيت نون، مشمش جبيل
بيت ضيافة عمرو فوق ال 100 سنة، عندو قعدة جبلية تحت العريشة وجلسات تحت الشجر بتاخد العقل.
الرقم: 121 272 03
الجنوب:
11. بيت الغابة، بكاسين
بيوت خشب بحضن غابة صنوبر بكاسين لكل محبي قعدات الطبيعة والتخييم.
الرقم: 222 800 07
12. بلو جاي فالي، جزين
بيوت ضيعة زغيرة مع جاكوزي وجنينات معلّقة بتاخد العقل.
الرقم: 088 880 78
13. Glamping، مغدوشة
قعدة رومانسية بتاخدكن على المالديف يكل تفاصيلها لشهر عسل ساحر.
الرقم: 707 157 70
البترون:
14. بيت البترون، البترون
بيت ضيافة من أجمل بيوت الضيافة بالبترون، عندو قعدة جنينة وتراس رح يسحروكن أد ما حلوة.
الرقم: 049 270 03
15. تراس عبدللي، البترون
مطرح خيالي بالبترون، متميز بالتراسات بالطبيعة وأجمل مناظر لغروب الشمس.
الرقم: 569 333 76
البقاع:
16. الحوش، حوش الغنم
إذا عبالكن تقضوا كم يوم بالبقاع وتعيشوا جو الريف، لازم تجربوا مزرعة الحوش!
الرقم: 1662 563 (855) 1+
شوفوا كمان، ١٥ من أجمل بيوت الضيافة على البحر