١٤ متل لبناني شعبي عن الخريف

أديه حلوة الأمتال اللبنانية الشعبية؟ أمتالنا اللبنانية بتعكس حياتنا الريفية وتراثنا الغني وثقافتنا الحلوة وجمال لغتنا الحلوة والحكي اللبناني القريب على القلب. بهل مقال قررنا نعبر عن حبنا للتراث اللبناني ونخبركن عن 14 متل لبناني شعبي عن الخريف.

رح بتلاقوا أمتال حفظناها متل إسمنا وبتمرق على لسان الجيل القديم، بتعبر عن جمال ولطف الخريف بلبنان، المعروف بموسم قطاف الزيتون واللي إتغنت فيه فيروز بكتير من أغانيها. خلونا نشوف سوا!

1. إن تخن الخريف ابشر بالرغيف

2. برد الخريف توقاه.. وبرد الربيع تلقاه

3. لما يطلع الخريف داري المصاريف

4. هوا الخريف بخلي القوي ضعيف

5. بآخر تشرين ودع العنب والتين

6. ما في أنقى من قمر تشرين، ولا أعتم من غيم كانون

7. السموم في أول الوسوم وأول الوسوم لا تحوم

8. الخَريف اللَيَّن من بشايره ببيَّن

9. سيل الزيتون من سيل كانون

10. بأَيـْلُول دبّر المكيول للحمص والعدس والفول

11. غيم الرمان يبشر العربان

12. إذا طلع سهيل لا تأمن من السيل

13. بأيلول بيطيح الزيت من الزيتون و المر من الليمون

14. أيام الزيت، أصبحت أمسيت

يمكن ما في أحلى من الخريف بلبنان!

حبيتوا الأمتال الشعبية اللي إخترناها؟ وما تنسوا تشاركونا بالتعليقات إذا بتعرفوا كم متل لبناني شعبي عن الخريف!

حبيتوا المقال؟ شوفوا كمان

٢٥ بيت خشبي لأحلى قعدة خريفية بالطبيعة