ذكريات الطفولة بس بيعرفها اللي ربي بالضيعة

بتذكروا لما صباح غنّت “ع البساطة البساطة و يا عيني ع البساطة!” وين قضيتوا طفولتكن بالضيعة أو ببيروت؟ بهل مقال رح نسترجع مقتطفات بالزمن القديم، وذكريات ما بيعرفها منيح إلا اللي ربي بالضيعة، وقضى طفولته عم يلعب بين حارات وساحات الضيعة. خلونا نسترجع سوا ذكريات الطفولة بالضيعة. 

1. أحلى مشوار كان مشوار البرية

لما كنا نتمشى بين البساتين، نفرش حصيرة من فوق التل، نقطف ورد الجبل ونتفرجا على جمال الضيعة.

2. أحب شي على قلبنا كان لما نحوّش حميّضة

وننبسط بطعم حموضتها مع ملح.

3. كنا نقضيها عم نرسم بالطبشور على الأرض ونلعب غميضة بين الحارات

ويعلى الصوت وإلا ما ناكلها عيطة من الجيران

4. وأكيد مجربين الركوب على الحمارة

وكنا نبرم فيها الضيعة كلها

5. والأفخم منها هيي لما كنا نركب على التراكتور بالحقلة

6. كنا نطلع على دكانة الضيعة ونشتري اللي بدنا ياه ب 500 ليرة بس

كنا نحس حالنا مالكين الدني كلها!

7. وهيدا المنظر لما كنا نام أحلى نومة عند التيتا والجدو

ونسهر على الضحك لطلوع الضو

8. ساحة الضيعة كانت مليانة ولاد عم يلعبوا فوتبول أو راكبين على البيسكلات

وقتها ما كان في سيارات بعد، وكانت الساحة خص نص للولاد

9. لما على أزغر ضربة الحل عند ستك انو تدهن زيت زيتون

10. ولما كنا ننزل مع العيلة كلها نحوّش زيتون

ونعمل ترويقة تحت الزيتونات ونقضيها ضحك وبسط

وانت، شو عندكن كمان ذكريات الطفولة بالضيعة؟

شوفوا كمان، ١٣ صورة ما رح يشتقلها إلا الجيل القديم