٤ مطارح جديدة لازم تجربوها ببيروت 

من الصعب أي حدن يزهق ببيروت، هالمدينة النابضة بالحياة والتجارب الحلوة بتضلها مخبية قصص جديدة. وإذا انتو بتحبوا تجربوا أجدد المطارح والمطاعم، خليكن على السمع. لقينالكن ٤ مطارح جديدة لازم تجربوها ببيروت .

1. Entredeux، مار مخايل

مطعم وBistro جديد بشارع مار مخايل، كتير بناسب عشا رومانسي مع الشريك. بيقدم منيو أكل متنوعة ومميزة، وبيتفنن بالسندويشات وال charcuterie المقدم مع النبيد.

الرقم: 988 206 81

2. Brew، قريطم

لكل عشاق القهوة ببيروت، هالكافيه ناطركن بالقريطم لتجربوا عندو قهوة طيبة وغنية بالطعمة. كمان عندو سندويشات خفيفة على الصبح.

3. Tappo، الجميزة

Tappo مطعم وبار جديد فتح بالجميزة لكل اللي عبالن تجربة عشا مميز. هالمطعم بيتخصص بالأطباق الأطلسية الغنية بالطعمات والأعشاب، وأنواع مختلفة من المشروبات الإستثنائية لتكمل قعدتكن. مطعم مناسب لضهرة مع الشريك أو الأصحاب تغيروا جو.

الرقم: 154 444 01

4. جو بيروت، كركاس

ما في أطيب من الأكل اللبنانية والجو اللبناني! مطعم جو بيروت فتح جديد وناطركن على تشكيلة مميزة من الأطباق اللبنانية. بتجربوا مازة وسلطات طيبة من فتوش، تبولة، حمص، متبل، ورق عنب، متبل شمندر، بطاطا حرة، مع طبق رئيسي متل السمك المقلي أو المشوي على كاس عرق بلدي. بتلاقوا المطعم جنب صيدلية كركاس براس بيروت.

الرقم: 577 772 70

خبرونا بالتعليقات، شو بتعرفوا مطارح جديدة ببيروت لازم كمان نجربها؟

شوفوا كمان، أحلى ٦ كافيهات بشارع الحمرا