٥ وجبات خريفية لازم تجربوها بلبنان

إجا الخريف ومعو أجواء التحضير للشتوية وعيد الميلاد ولموسم البرد والسقعة، و لنحس بالخريف على المزبوط حبينا اليوم نعرفكن على مجموعة من وجبات خريفية المميزة لي ممكن تلاقوها عند بعض المطاعم.

١. طبق الباستا المليان صلصلة من عند بافاغلينو Bavaglino، الأشرفية

إذا بتحبوا الباستا الطليانية، ما إلكن غير تتوجهوا على درج مار نقولا بالأشرفية وتتفرجوا على الزينة الرومانسية وتطلبوا طبق باستا من لي بيعملوهن، بيجي مليان صلصلة وعم يغلي مع أطيب أنواع الإضافات.

وفيكن تطلبوا مع وجبتكن كاس نبيد إنتو وعم تتأملوا بوج حبيبكن.

هل محل مناسب لعشا رومانسي على الخفيف أو حتى لضهرة مع الأصحاب.

الرقم: 080 091 81

٢. طبق الدجاج مع الزبدة من عند جاي تشيكن Jai Chicken، القنطاري

هل محل متخصص بالمطبخ الصيني، التايلاندي والهندي، جايب معو نكهات آسيا بأجواء دافية ومريحة. رح تحبوا طبق الدجاج المغطى بالزبدة القوي أو حتى الباد تاي الكلاسيكي أكتر شي.

جيبوا رفقاتكن لتستمتعوا بالأطباق السخنة والرولز الصيفية قبل ما تبلشوا بالطبق الرئيسي.

وإذا كان عبالكن تدفوا بطنكن، طلبوا طبق الشوربة الماليزية المميز.

الرقم: 940 341 01

٣. طبق الستيك من عند سويس باتر Swiss Butter، كافة الفروعة

ما في شي بضاهي أجواء الخريف متل وجبة عشا الستيك المعمول ع الأصول. سويس باتر بقدم تجربة ستيك بسيطة مع صلصة الزبدة السويسرية المثالية المعمولة من الزبدة وخليط من 33 نوع أعشاب وتوابل.

صلصتن السرية هيي التكملة المثالية للأطباق الرئيسية ال 3 ، اختاروا بين قطع اللحمة، أو صدر الدجاج، أو شرائح السلمون. بتتقدم كل الأطباق مع بطاطا مقلية على جنب، سلطة فريش وخبز باغيت مع صلصة الزبدة السويسرية.

إذا الطقس برد برا أو حتى إذا بس عبالكن تكنكنوا شوي ما إلكن غير هل مطعم لأن كل شي عندو بحسسكن بالدفا والكنكنة.

زحلة: 581 818 08
فردان: 304 744 01
البترون: 132 567 81
جل الديب: 571 712 04
الجميزة: 480 444 01

٤. طبق المانتي من عند مايريغ Mayrig، الجميزة

هل مطعم بجبلكن النكهات الأرمنية التقليدية مع لمسة لبنانية ومتوسطية. معروف بالأطباق الأرمنية والحصص المبحبحة محضرة لتتقاسموها والمانتي بتتقدم بكميات كريمة للكل.

أطيب طبق سخن ممكن تجربوا هوي طبق المانتي مع كاسة لبن وصلصتكن المفضلة.

الرقم: 227 228 03

٥. عشا لبناني بيتوتي عند لوريس، الجميزة

مع حلول فصل الخريف صرنا نحنّ لقعدة البيت وللقمة البيت وهل شي رح تحسوا في وقت تزوروا لوريس وتدوقوا عندن كل الأطباق البيتوتية.

من أطباق المازة اللبنانية للأكلات البيتوتية لي بتفتح الشهية، خرج قعدة مع القرايب والأحباب.

الرقم: 568 567 01

خبرونا، حبيتوا هل وجبات خريفية؟ وألف صحتين!

شوفوا كمان، ٥ محلات فلافل لازم تجربوهن بلبنان.