عروض مميزة و برغر ب 395 ألف عند هالسناك

لكل محبي البرغر والأكلات السريعة، اليوم رح ناخدكن على سناك Poule d’or إكسبرس ببدارو. المميز بهل فرع إنو عندو أطيب البرغر و السندويشات المحرزة بأسعار وفيرة وعروض مميزة.

بتلاقوا عرض غير شكل تحديداً بفرع بدارو، بتدقوا أطيب ديناميت برغر مع بوكس بطاطا مقلية مقرمشة بس ب 395000 ل.ل. والبرغر كبيرة ومحشية بالدجاج الكرسبي و المقرمش، مغطسة بالصوص لراسها، مقدمة بقلبها خضرة طيبة مع خبزة طازة وشهية.

مطعم Poule d’or معروف كتير بتقديم الدجاج البروستد، الدجاج المشوي، كرسبي، تشيكن برغر، سندويشات الشاورما، الفاهيتا، الطاووق، السجق، المقانق، السودة، اسكالوب وغيرها من القصص الطيبة. مطعم مميز ورخيص بتلاقوا بمختلف لبنان: النبطية، والحدث، وجونية وصور، والكورة، والشويفات، وبدارو.

وعروض Poule d’or بتشمل مختلف الأصناف بالمنيو. فيكن تجيبوا 2 فروج مشوي على الغاز، ومعمول بتتبيلة روعة، بس ب 1599000 ل.ل، بيتقدم مع 4 علب توم و 2 كبيس مشكّل.

ومش بس هيك، كمان في عروض بتجنن على الشاورما. فيكن تتطلبوا 2 سندويشة شاورما دجاج أو شاورما دجاج على الفحم بس ب 790000 ل.ل. ولمحبي الشاورما التركية، بتلاقوا عندن عرض شاورما دونر ب 500000 ل.ل.

وأد ما حكينا عن عروض Poule d’or ما بتخلص. يعني أي ساعة ضربكن فيها الجوع، أو حابين تعزموا رفقاتكن من دون ما تكسروا الجيبة، هالمحل ناطركن بفروعو المختلفة حول لبنان.

للمزيد من المعلومات، اتصلوا بفرع بدارو على 488 998 81

شوفوا كمان، أطيب ٤ محلات شاورما تركية بلبنان