لقينا ٤ مطاعم باللقلوق مع قعدة بتطير العقل

بما إنو قرب الويك-أند أكيد عم بتفكروا من هلق وين بدكن تروحوا هالسبت أو هالأحد! لهيك نقينالكن اليوم منطقة اللقلوق بجبيل لي هيي منطقة بتتميز بجمال طبيعي خلاب ومنا بعيدة كتير عن الساحل، وفيها مطاعم وكافيهات وأوتيلات مميزين بيقدموا أطيب لقمة. خلونا نتعرف سوا على أطيب مطاعم اللقلوق.

١. ج كارلوس Jcarlos

من أجمل المطاعم لي ممكن تلاقوها بالمنطقة، القعدة عندو مكنكنة ودافية. زوروهن لتتغدوا أو تتعشوا، الأكل اللبناني والمتنوع لي عندو بيرضي حتى الأذواق النيقة، وهوي المكان المثالي للقعدات الرومانسية والدافية.

الرقم: 088 400 71

٢. الأزوردي

ما في أجمل من القعدة بأحضان الطبيعة أو بقلب بيت خشب عند الأزوردي، جلسة عود، ولقمة لبنانية بيتوتية بتفتح النفس. رح تشوفوا الجمال اللبناني الأخضر مغطى الجبال وإذا جيتوا بالشتوية بتشوفوا التلج مغطى المرج، وإذا حابين فيكن تقضوا ليلة مميزة بقلب بيوتن الخشبية الساحرة.

الرقم: 868 888 76

٣. لوس راياس Los Reyes

عبارة عن أوتيل مميز فيكن تعملوا عندن كل أنواع النشاطات المسلية. وعندن فوق هيدا كلو مطعم مميز مع فيو على اللقلوق والمناظر الطبيعية الخلابة. هوي جوهرة بين جواهر المطاعم القاعدة بالجبل، فينا نختصر الأكل بكلمة وحدة: بجنن!

الرقم: 004 801 81

٤. شانغري لا Shangri La Hotel

هالأويتل المميز عندو فيو بيطير العقل وقعدة جبلية وفخمة بنفس الوقت. معروف إنو بيعمل بوفيه نهار الأحد ومناسب لقعدة العيل والمناسبات. أجواء شانغري لا بتفتح الشهية للأكل مع القرايب والأحباب والأصحاب. تمتعوا بأطباق مطبخنا اللبناني المعمولة ع الطريقة البيتوتية الأصيلة.

الرقم: 112 441 03

شوفوا كمان، ٢١ صورة مميزة لضيعة حصرون.