٣ محلات طاووق على الفحم بلبنان

يلي بحب الطاووق بالسندويش أو بالصحن، لازم يجربها مشوية على الفحم. سندويش الطاووق مع إكسترا توم دايماً بتلبيكن لما تجوعوا بعد نهار طويل أو حتى خلال النهار لما تشتهوا سندويش بفش الخلق وبشبع. شوفوا معنا وين بتلاقوها بلبنان!

١. مشاوي الكرم King Fadi

بيعمل أطيب طاووق على الفحم والمشاوي عندو طالعين من الشواية دغري على صحنكن، فيكن تختاروا تاكلوهن بالطبلية أو الصحن أو حتى باللفة. إذا عبالكن شي قوي وفخم على الآخر ما إلكن غير تطلبوا طبلية الكينغ لي بتجي على شكل سندويشات مقطعين مع مختلف الصوصات الطيبة وبطاطا مقلية بتقرقش وكبيس.

الزلقا: 856 778 71
كفرشيما: 191 471 71

٢. الشرقي

شاورما على الفحم، كبة زغرتاوية ولقمة طيبة ما فيكن تقاومها. الطاووق لي عندو أكيد مشوي على الفحم ومدعوم بالتوم منيح مع كبيس ويلا، بيعملها المعلم على أصولها وعلى ذوقكن! ما تنسوا تجربوا عندن كباية اللبن البلدي مع نعنع شي بشق القلب وأكتر شي بتلبق لسندويش البسترما لي عندن.

زغرتا: 301 662 06
البترون: 655 440 76

٣. الآغا

مطعم لبناني معروف بأطيب مشاوي وسندويشات والأكل اللبناني لي بحبوا ضرسكن مع كوكتيلات وحلويات كمان. المشاوي عندن إلها طعمة خاصة، ما في شي أطيب من سندويش الطاووق على الفحم عندن، الكبيس، الخبزة المحمصة، والتوم… ولا أطيب من هيك! فيكن تطلبوها بالسندويش أو بالصحن وكل شي مشوي على منقل الفحم مع تتبيلة غير شكل.

راس النبع: 866 688 01
هادي نصرالله: 379 279 01

شوفوا كمان، ٣ محلات كنافة نابلسية بلبنان.