تعرفوا على كافيه Vernice الفني: ورشات رسم ولقمة طيبة ببيروت

لكل محبي الفنون والأكل الطيب، رح تنغرموا بهالمساحة الإبداعية بقلب بيروت !Vernice Creative Café عبارة عن كافيه بيجمعلكن كل التجارب الحلوة بمطرح واحد. بتستمتعوا بوقتكن بين فرشاية الرسم و اللوحات الفنية والجمعة الحلوة على اللقمة الطيبة.

هيدا الكافيه الفريد بيقدم مساحة مميزة لتعبروا عن حالكن و تأبدعوا على جو لطيف ووجبة شهية. تخايلوا معنا إنكن مع أصحابكن مشاركين بورشة فنية عند Vernice، عم تنبسطوا بأكل طيب من أشكال وألوان، وعم تتعلموا تقنيات الرسم بألوان المائية أو أساليب الفن التجريدي متلاً. أديه نشاط حلو؟

في أحلى من إنو تقضوا نهاركن بهيك ورشة فنية، انتو وعم تدوقوا شي طيب متل كيك بذور الشيا بالليمون؟

الورشات بتقدمها صاحبة الكافيه لبنى عبد الله، فنانة موهوبة ومبدعة هدفها تدمج عالم الفن و الإبداع بتفاصيل حياتنا اليومية. الفكرة من ورا الكافيه بتعكس شغف لبنى بخلق الفن، الحبّ للأكل الطيب، وجمع العقول الإبداعية و الفنانين بمساحة وحدة. انتو بتعرفوا إنو  كلمة “Vernice” بالإيطالي بتعني “الدهان”؟ 

كافيه فيرنيتشي بيقدّم مجموعة متنوعة من ورش العمل اللي بتضمن: موزاييك الألوان المائية، نشاط الرسم بعدها التلوين، لوحات prismatic، نشاط ال 3 colors، ال doodling، وتنقيط الألوان.

وأحلى شي إنكن بتقدروا تختاروا الورشة يلّي بدكن ياها، وتحددوا الوقت واليوم يلّي بتفضلو. لمزيد من المعلومات عن الحجوزات، زوروا صفحتن عل الإنستغرام هون.

والكافيه كمان عندو زاوية هدايا زغيرة وحلوة لتشتروا لأحبابكن أو حتى لإلكن، فيها تماثيل حلوة للزينة و الديكور، مصنوعة حسب أسلوب الفن الحديث. وإذا ما لقيتوا الهدية المثالية بين زاوية التماثيل، فيكن تختاروا من مجموعة الإكسسوارات الخاصة اللي عندن. 

فيرنيتشي هو المطرح الأمثل للإبداع ببيروت، لتتعلموا تقنيات وأساليب الفن بإشراف فنانة محترفة، و تنضموا لمساحة فنية روعة، انتو وأكيد عم تستمتعوا بالأحاديث الحلوة والأكل الطيب و الأجواء المهضومة! 

بتلاقوا الكافيه بقريطم، فردان. لمزيد من المعلومات، اتصلوا على 455 599 71

خبرونا بالتعليقات، مع مين بتروحوا عند فيرنيتشي؟ وحبيتوا هالمحل المهضوم؟

شوفوا كمان، متحف ال١٠٠ بيت بالبترون، شو قصة متحف هنري لوسيان؟