دوقوا ترويقة لبنانية دافية من هل-٩ مطارح ببيروت

هالطقس الخريفي الحلو خرج ترويقة بتفوت الدفى على القلب! مشوا معنا نجرب 9 مطارح ببيروت بيقدموا ترويقة لبنانية دافية غير شكل.

1. منقوشة شكشوكة دافية من Baked in Beirut

عند هالمحل المميز بالجميزة بتقدروا تختاروا منقوشة الشكشوكة الشهية مع البيض والحر، أو منقوشة زعتر تقليدية طالعة حامية من الفرن. أحلى ترويقة تجربوها لما تشتي الدني!

الرقم: 856 066 03

٢. صحن كشك سخن من لا فول

هيدي المطعم المميز بالحمرا بيقدم ترويقة لبنانية على أصولها، سفرة مليانة أشكال شهية على الصبح! بس لازم تجربوا صحن الكشك البلدي اللي بيعملوا، مع كباية شاي سخنة وخبز طازة، يا عين! وكمان فيكن تجربوا كشك بأورما أو بلحمة، حسب شو بتحبوا.

الرقم: 306 375 03

٣. صحن فول مدمس مغنّج من أبو عبدالله

في أطيب من صحن فول مدمس دافي على الصبح؟ سخن، بيشبع، وطيب بشكل ما بيوصف، اللي بحبوا ترويقة تقليدية لازم يميلوا عند أبو عبدالله بالدروة ويدوقوا ترويقة فول على أصولها.

الرقم: 286 256 01

4. أطيب بيض مقلي بالفخار من الفلمنكي

الفلمنكي على الروشة و السوديكو بيذكركن بأيام اللي قضيتوها وانتو عم تستمتعوا بترويقة دافية وبيتوتية مع التيتا والجدو بالضيعة. عندو وجبات البيض المقلي بالفخار مع صحن كبير من الخضرة الطازة غير شكل!

الرقم: 456 323 01 – 011 808 01

5. بيض بالأورما بيشهي من فول بيتوتي

ترويقة لبنانية مميزة ناطرتكن لتستمتعوا فيها بحارة حريك! إذا كنتو من محبي البيض المقلي، شو رأيكن تجربوا البيض بالأورما الطيبة عند فول بيتوتي؟ كمان فيكن تختاروا البيض بالسجق إذا عبالكن شي أدسم.

الرقم: 740 474 71

6. ترويقة صاج طازة من صاج بيروت

عبالكن ترويقة صاج تقليدية من صاج بيروت؟ هالمحل بالجميزة بيقدم الصاج بطعمات أصيلة، وكمان طعمات جديدة متل الصاج على بيتزا!

الرقم: 937 733 03

٧. فطاير لحمة بتشهّي من مزرعة لقيس

مين عبالو فطاير بلحمة من عند لقيس؟ ملك الصفيحة البعلبكية بيقدملكن ياها كترويقة صباحية غير شكل مع لبن عيران! بتلاقوا فرعو بالقنطري ببيروت.

الرقم: 824 373 01

٨. كعك بالجبنة من كعك ستيشن

ميلوا عند هالمحل المميز بالحمرا وجربوا كعك على أنواعه، مع جبنة عكاوي، كعكة الحلوم، كعكة طرابلسية، وغيرن من القصص الطيبة، مطرح بيتفنن بالكعك اللبناني بكل شطارة!

الرقم: 588 879 71

9. فنجان سحلب دافي من الشامي

إذا عبالكن شي دافي وخفيف، جربوا فنجان سحلب سخن من عند الشامي. مقدم مع خبز فرنجي أو شوية كعك مقرمش وبتدفي القلب.

الرقم: 558 375 01

شوفوا كمان، ١٠ بيوت ضيافة جبلية بحضن كسروان