٦ مطارح دافية ومكنكنة بقلب البترون

البترون حلوة بكل الأوقات، بالصيف جنب البحر، وبالشتي مع الجو الدافي. ولأنو صرنا بموسم القعدات الدافية، مشوارنا اليوم رح ياخدنا على 6 مطارح مكنكنة بقلب البترون. رح ناخدكن على قعدات جنب النار، جلسات مكنكنة، عشوات دافية ورومانسية ،ومطارح مميزة كتير!

1. ليف

كافيه ليف عبارة عن كافيه حجر زغير ومكنكن بسوق البترون القديم. ليف قهوتو طيبة، قعدتو لزيزة، وبيعمل حلويات بتشهي وحتى بيقدم الحلويات الموسمية، خصوصي هلق لأنو قرّب الكريسماس بتلاقوا قصص مميزة وطيبة!

2. مطعم أوهانس

في أدفى من الأطباق الأرمينية بالشتي؟ بتلاقوا عند مطعم أوهانس أطيب مأكولات البسطرما والمانتي وغيرها من المطبخ الأرمني. والأحلى من هيك، عندو قعدة حجر مكنكنة كتير للعشوات الشتوية. واحد من أطيب وافضل مطارح مكنكنة بقلب البترون!

الرقم: 555 899 76 

3. Capitano

هالمطعم الإيطالي المميز بالبترون ناطركن بقعدتو المكنكنة على أشهى أطباق باستا كريمي وبيتزا على الحطب!

الرقم: 833 608 71 

4. Bistreau Batroun

هالمطعم قاعد على المينا، بيقدم مأكولات بحرية على أنواعها وسلطات شهية ومازة فنية. عندو قعدة شتوية من حجر بتجنن مع منظر البحر! 

الرقم: 151 222 71 

5. Mariolino

عبالكن أكل إيطالي بيشهي بهالطقس البارد؟

ماريو لينو من أفضل المطاعم الإيطالية بالبترون! بيستقبلكن على عشوات رومانسية ودافية مع أطباق إيطالية بتشهي وكاس نبيد غير شكل. 

الرقم: 555 766 76

6. Greenhouse Cafe and Bar

كافيه ومطعم مهضوم للسهرات الدافية والحلوة مع الأصحاب. عندن ديكور إستثنائي بحسسّكن كأنكن بقلب جنينة، مع أطباق شهية كلها دفى. من أروق المطارح المكنكنة بقلب البترون. 

الرقم: 310 125 70

خبرونا بالتعليقات، شو بتعرفوا بعد مطارح مكنكنة بقلب البترون؟

شوفوا كمان، مطاعم إيطالية مكنكنة لازم تجربوها ببيروت