٤ محلات بونلس تشيكن لازم تجربوها بلبنان

لقينا ٤ محلات دجاج بيعملوا أطيب سندويشات بونلس، كتير طيبين، مليانين صوص وبقرمشوا منيح بالتم!

١. بونلس هاوس

المحل المثالي لمحبي دجاج البونلس والسندويشات والبرغر مع جبنة إكسترا! بقدم المحل كمان جوانح الدجاج ووجبات سريعة وقصص بستلحلوها بس يجي عبالكن تخبصوها الصبح، الضهر أو عشية. إذا عبالكن شي قوي بالدجاج وفخم على الآخر ما إلكن غير هل محل!

صيدا: 687 456 71
صور: 623 668 76

٢. إيديز بونلس Eddy’s Boneless

عندو أصناف مقرمشة واختراعات ولا أطيب! من المفضلة عنا البطاطا الملغومة بالتشيدر وسندويش البونلس تشيكن والدجاج مع تشيدر وغيرها من السندويشات لي بتقرش بخبزة التورتيلا ومليانة صوصات قوية. ضروري تجربوها!

مار مخايل: 166 577 81
فرن الشباك: 668 944 81
زوق مصبح: 668 944 81
البترون: 151 171 76

٣. Mr Boneless، بشارة الخوري

هل محل متخصص بالدجاج البونلس وبالسندويشات والبرغر والقصص الطيبة بالخبرة الملتوتة بجبنة التشيدر والصوصات المميزة. عطول بيعملوا عروضات والكمية لي بتاكلوها عندو كبيرة وبتشبع والأسعار بتجنن كمان.

الرقم: 256 034 03

٤. بونلس 28 Boneless، عدة فروعة

هل محل صار أشهر من نار على علم وعندو فروعة بكل زاوية بلبنان وألذ شي تاكلوا من عندو وجبة حرزانة من بعد شي سهرة أو تسريبة على البيت من بعد قعدة مع الأصحاب. أهم شي تجربوا عندو سندويش البونلس تشيكن، بتجي كبيرة كتير، محشية دجاج وبطاطا، مع قرمشة زغيرة وصوص باربكيو. وعندو كمان البوس فرايز شي ضروري تجربوا، عبارة عن صحن بطاطا مقلية بتقرقش قرش مع صوصات قوية وطعمة فريدة.

الرقم: 292 566 70

شوفوا كمان، ٤ محلات فراريج لازم تجربوهن بلبنان.