غنجوا ولادكن بأطيب دوناتس طربوش من هالمحل!

لكل محبي الدوناتس، لقينالكن أطيب تحلاية للشتوية، محل Doughnut Bar عامل دوناتس طربوش لتجربوا شي مميز وتبسطوا الطفل الزغير اللي جواتكن! 

هالمحل بيرجعلنا أحلى ذكريات طفولتنا مع طربوش، سناك غندور المحبوب صار عندو لوك إستثنائي وطيب بالشتوية! هالتحلاية عبارة عن دوناتس مغمّسة بالصوص البيضا الشهية، مع شوية شوكولا دايبة وطربوش من فوق. كل كدشة مليانة حلاوة، مع كريمة الطربوش وقرمشة البسكوتة، شغلة عنجد بتدخل السعادة على القلب!

أحب شي ع قلبنا نجرب هالأنواع من الحلويات اللي بترجعنا على أيام زمان، متل البوظة على سيريلاك اللي طوشت الدني والكل جربها، ولتعرفوا أكتر وين فيكن تجربوها، شوفوا المقال هون.

ومحل Doughnut Bar مشهور بتقدم أطيب الحلويات الفريدة والشهية، متل دوناتس الكنافة ورولات الكرواسون اللي بتتغمّس بالقهوة. مطرح كتير مهضوم تزوروا أو تطلبوا من عندو حلويات روعة لولادكن بكافة الطعمات والأصناف اللي بتناسب الكل! ونحن منّا وعلينا رح نزورون ونجرب دوناتس طربوش!

بتقدروا تدوقوا دوناتس طربوش ومختلف الحلويات الشهية بفروع  دونات بار بجبيل، قليعات، إهدن. لتعرفوا شو مخبى بعد قصص طيبة، تابعوا حسابن على الإنستغرام هون، وفيكن تتواصلوا معن على الرقم: 146 431 81.

خبرونا، مع مين بتجربوا هالسناك الطيبة اللي بتفرفح القلب؟ يلا غنجوا ولادكن وميلوا عند دونات بار!

حابين تحتفلوا مع الولاد بعيد الميلاد على المزبوط؟ شوفوا، دليل أبرز مهرجانات الكريسماس بلبنان