البترون هالويك-أند: معرض الميلاد وموسيقى وأكل طيب! (الدخول مجاني)

حزروا شو؟ خبرية حلوة كتير إنو بلشت أجواء العيد بالبترون وصراحة اليوم الجو رح يكون ولعان، زينة وأغاني وفرح العيد وأكل طيب كتير… شوفوا معنا شو ناطركن بالبترون.

إذا عبالكن تحسوا بأجواء كريسماس ومش عارفين شو تعملوا، رح ناخدكن اليوم مشوار على البترون ونخبركن عن أبرز النشاطات الميلادية لي عم بتصير هل شهر بالبترون مع كافة التفاصيل يلي منعرفها لهلق.

بس تزوررا معرض الميلاد بأسواق البترون القديمة رح تشاركوا بدعم التجار المحليين وأصحاب المحلات الزغيرة ومش بس هيك رح فيكن تحسوا بجو كريسماس بكل زاوية من زوايا المنطقة وكل المطاعم جاهزة تستقبلكن ورح تشوفوا الناس كلا مبسوطين ومعيدين.

الأجواء مليانة فرح وموسيقى ورقص و في ألعاب للولاد وكتير قصص مهضومة!

بيفتح السوق يوميًا من الساعة 4 بعض الضهر الضهر للساعة 11 بالليل بنص الجمعة ومن الساعة 1 الضهر للساعة 11 بالليل بالويك-أند، والدخول مجاني للكل.

شو رح تلاقوا بالمعرض الميلادي؟ موسيقى وعزف مباشر، أغاني، كيوسكات خشب، نشاطات فنية وترفيهية، محلات، ألعاب للأطفال، صالة أكل ومشروبات، ومعرض للمنتوجات المحلية وقصص كتير مميزة.

فإذا عبالكن تقضوا وقت حلو مع عيلتكن أو مع أصحابكن بمنطفة ساحلية كتير حلوة، مننصحكن تهربوا من بيروت هالويك-أند وتطلعوا عالبترون.

للمزيد من المعلومات اتصلوا ب Batroun Capitale de Noël على 525 702 76

المهرجان مبلش1 كانون الأول، 2023 ورح يستمر ل 7 كانون التاني، 2024.

شوفوا كمان، نورا نورت بيروت: محل الشوكولا المحبوب فتح كافيه جديد مميز.