مشوار بيروت صار هيّن وبلا عجقة مع سكوبر!

يلا نتعرف على سكوبر: مشروع محلي مهضوم، هدفو تحويل بيروت لمدينة مستدامة من دون عجقة، ضجة، وتلوث.

أي حدا عايش ببيروت بيفهم أديه منعاني بأبسط شغلة: التنقل اليومي. مع عجقة الطرقات، وقلّة مواقف السيارات، رحنا ندور على حلول ذكية ومبتكرة لمشكلتنا، ومن هون بلشت قصة سكوبر.

سكوبر وسيلة تنقل هينة ومريحة

بتلاقوا هالبزنس المهضوم ببيروت، بيبيع سكوترات كهربائية للكبار، شغلتها تسهّل عليكن التنقل بالمدينة. ما بتعودو تعتلوا همّ عجقة أو موقف سيارة أو حتى بنزين! إذا عندكن مشاوير ضرورية، عبالكن تضهروا ببيروت، رايحين ع الجامعة أو على الشغل، بدكن تشتروا غراض ع السريع، سكوترات سكوبر الكهربائية بتوعدكن بالراحة والسهولة بالتنقل.

وهلق بعد ما صار عندكن وسيلة للتنقل هينة وبسيطة، بتقدرو توفّرو وقتكن وطاقتكن لتكتشفوا بيروت وتروحوا على أفضل محلاتها، من كافيهات جديدة لأماكن مميزة ومحبوبة. صار فيكن تروحوا على أكتر مطعم بتحبو من دون ما تضيعوا وين تصفوا سيارتكن. كل اللي عليكن تشرجوا السكوتر بالبيت أو وين ما كان، ووقتها انطلقوا محل ما بدكن! أحلى شي انو فيكن تشرجوها بأي محل بتروحوا عليه طالما في كهربا، فشغلتها كتير عملية وسريعة.

سكوبر حلّ بيئي ومستدام للتنقل ببيروت

سكوبر مشروع زغير هدفو يحوّل بيروت لمدينة مستدامة. لما تشتروا سكوتر كهربائية، بتكونوا عم تخطو خطوة أولى بإتجاه قرارات صديقة للبيئة، وهيدا واحد من أسباب إنشاء هالمشروع. بالإضافة للتقليل من التلوث البيئي، سكوترات سكوبر بتضمنلكن طريقة أسهل وأوفر للتنقل ببيروت. خلصنا من مشاكل الباركينغ، وصار عنا وسيلة تنقل مريحة وما بتكلّف كتير.

أحلى شي انو بدعم هيدا المشروع، بتنضموا لمجتمع الرائع من الناس اللي عندها تفكير وأسلوب حياة بيشبهكن، بتقابلوهن، بتتعرفوا عليهن، و بتروحوا معن جولات بالسكوتر حول بيروت.

عيّدوا مع سكوبر!

وهالمنتج الصديق للبيئة بيقدر يكون الهدية المثالية لعيد الميلاد، يا لإلكن يا لحدا بتحبو! وما تنسوا تخبروا الناس اللي حوليكن عن سكوبر وأديه مفيدة وحلوة!

لمزيد من المعلومات، شوفوا سكوبر على موقعنِ الإلكتروني، إنستغرام، و فيسبوك، أو اتصلوا على 615 949 70. وإذا بدكن تعرفوا وين هني بالزبط ببيروت، اضغطوا هون.