لأول مرة بلبنان، بوش دو نويل ع لحمة نيّة!

زهقتوا من الحلو ومن الشوكولا ومن كل شي، ما إلكن غير تجربوا هالإختراع الغريب لي نزل ع السوق: بوش على لحمة

صح متل ما عم سمعتوا صار في شي إسمو بوش على لحمة نيّة، وهالإختراع مش بس عم بصير لأول مرة بلبنان، كمان ما بتشوفو منو باي بلد!

أصحاب هالإختراع ملحمة ومشاوي جعفر نابلسي المعروف ب”دهب” وعندن مطعم طويل عريض وقعدة مميزة لكل مين عبالوا مشاوي شهية وطازة.

البوش بتجي ع لحمة نية، بدل الشوكولا في لحمة هبرة محشية لية وملفوفة منيح وبطريقة فخمة، وبنفس طريقة البوش مع شوية مكسرات على الوج.

قدي مهضومة الفكرة إنو تجيبوا بوش لحدا وتكون على لحمة، يعني هالشي أكيد شي ما رح بيتوقعوا بحياتن وحتى في يكون أحلى هدية للسيكريت سانتا تبعكن، عم تتخايلوا شو معقول تكون ردة فعلو؟

أما سعر البوش فهوي 40$ وأكيد أحسن تتصلوا فين وتوصوا على طلبيتكن قبل بوقت.

الرقم: 444 138 03
العنوان: الجنوب، العاقبية، الشارع العام.

شوفوا كمان، مطعم جديد بلبنان بيعمل عصافير وبس!