!لمحبي لقمة الشمال، أطيب مطاعم إهدن هالشتوية

موسم الشتي يعني مشوار على ربوع الشمال وجوهرة زغرتا، على ضيعة إهدن الجبلية. منطقة هوياتها روعة بالصيف وبرودها حلو بالشتوية وجمالها خلاب كل السنة، ومحاوطة بالمحميات الخضرة والغابات المعمرة ومعروفة باللقمة الشمالية والكبة الزغرتاوية المميزة. لكل اللي عبالو يدوق أطياب شمال لبنان، مشوا معنا على أطيب 8 مطاعم إهدن هالشتوية. 

1. مطعم الفردوس

مطعم الفردوس مطعم شمالي على الأصول، بتجربوا الكبة النية والكبة الزغرتاوية والكبة المشوية مع كاس عرق ومنظر التلوج الإهدنية. 

الرقم: 701 060 70 

2. مطعم بيت ستي

مطعم بيت ستي بيفوت السعادة على قلوبكن من أطباق مشاوي لبنانية، أكلة الكبة بالجرن، ومازة سخنة وباردة بطعم أصيل. 

عندو قعدة شتوية مع فيو مفتوحة على جمال الطبيعة الشمالية. 

الرقم: 528 428 81

3. مطعم حنين

بتلاقوا الكرم الشمالي والقعدة الإهدنية بمطعم حنين. هالمطعم مميز لمشوار مع العيلة لتجربوا سفرة كريمة ومغنّجة بأطيب الأطباق اللبنانية مع أجواء بيتوتية دافية. 

الرقم: 488 778 03

4. مطعم باب الهوى

مطعم باب الهوى رح يخليكن تنغرموا بلقمة إهدن، بيفتح بالويك-اند خلال الشتوية ليقدملكن أطباق لبنانية شهية ومعمولة بكل أصول. 

الرقم: 047 456 03

5. مطعم أسمهان

فيكن تجربوا أطيب المأكولات البحرية ومنيو متنوعة من الأطباق العالمية على جو مرتب ودافي بقلب مطعم أسمهان. 

الرقم: 900 414 71 

6. مطعم تاج إهدن

عيشوا جو إهدن الجبلي مع مناظر التلوج البيضا عند مطعم تاج إهدن. مش بس عندو مناظر خلابة، بس كمان بيقدم أشهى مازة لبنانية بالمنطقة. 

الرقم: 069 203 71

7. مطعم وادي إهدن

جربوا قعدة الشاميني مع كاس عرق ولقمة مشاوي ومازة وتبولة عند مطعم وادي إهدن. مطعم تراثي لبناني على الدقة القديمة. 

الرقم: 417 417 76 

8. مطعم بلاتانوس

مطعم بلاتانوس قاعد بنص شوارع إهدن، بيقدملكن قعدة شاميني دافية ومكنكنة بهالطقس، مع أطباق لبنانية وعالمية متنوعة. 

الرقم: 058 117 70 – 678 560 06

خبرونا بالتعليقات، أي من مطاعم إهدن اللي إخترناهن رح بتجربوهن هالشتوية؟

شوفوا كمان، ٣٠ مطعم تراثي ع الدقة اللبنانية القديمة