شو مشاريعنا
٥ مطاعم وأوتيلات بتاخد العقل ببحمدون
ما في أحلى من إنو نسافر بقلب بلدنا ونعيش تجربة جبلية من العمر. لهيك اليوم رح نعرفكن على ٥ بمطاعم ومنتجعات وأوتيلات مميزة بقلب ضيعة بحمدون.
١. بيت خشب مميز
هالبيت الخشب المميز قاعد حد النهر والجسر الأثري دغري وبطل على المناظر الخلابة. بتلاقوا بقلبو كل وسايل الراحة والتدفئة من الشيميني ومحل للشوي لجنينة بتحلا القعدة فيا على الصبح مع ترويقة وفنجان قهوة وحديث زغتور. هالبيت بقدملكن كمان قعدة حميمة وجو رايق ومريح عالآخر.
لتعرفوا أكتر عن هيدا محل تواصلوا مع Chalet Lebanon على 227 623 71
٢. أوتيل تشيري بلوسم Cherry Blossom Hotel
بيتميز بقعدة بين الجبال الخضرا وسطح قرميد أحمر. هل أوتيل رح يعيشكن تجربة جبلية من العمر، الأوض واسعة ومريحة وبتشوفوا منن أجمل منظر طبيعي لبيوت الضيعة القرميد ومش بس هيك بتفيقوا على صوت العصافير وبتكون ناطرتكن أطيب ترويقة.
الرقم: 770 129 71
٣. لو تيليغراف دو بيل فو Le Télégraphe de Bellevue
مطعم فرنسي قاعد بنص الطبيعة وبوتيك نبيد جبلية ساحرة الجمال. الموسيقى رومانسية، والمأكولات الفرنسية اللذيذة هون وأطيب شي عندن طبق الفوندو والسلطة مع الكريم برولي الشهية، والدفا المريح كمان ناطركن. هونيك حتستمتعوا بجو حلو من الأكل والمزاج الجيد!
الرقم: 383 628 70
من أجمل الأوتيلات لي ممكن تتخيلوها بالجبل وبطل على أجمل منظر ممكن تفيقوا علي الصبح. من فوق على التراس فيكن تتأملوا أحلا منظر للضيعة وللشوف. تأكدوا كمان إنو فيكن تستمتعوا بأطيب الوجبات الشهية مع منظر الجبال، أما النومة مريحة عالآخر والمنظر خيالي من الغرف بتستحلوا تعيشوا حياتكن كلا هون.
الرقم: 200 262 05
هالمشروع عبارة عن مطعم ومعصرة نبيد وفينيو للأعراس بقلب الطبيعة، قعدتو غير شكل وما بتكمل غير مع سفرة طويلة عريضة من أطيب الأكل اللبناني على أصولو والأكل العالمي، مازة وسلطات على أنواعها، وكل شي عندن بينعمل من مكونات طازة. فيكن تعملوا عرسكن بالفينيو الساحرة الجمال لي بتتميز بنفحة جبلية ولي تعتبر كمان المكان المناسب لإقامة عشا رومانسي مع شموع والإحتفال بالمناسبات الخاصة مع العيلة والأصحاب. ومش بس هيك فيكن كمان تعيشوا تجربة النبيد اللبناني وتبرموا المعصرة وتدوقوا مختلف أنواع النبيد.
الرقم: 879 900 78
شوفوا كمان، ١٩ مغامرة فريدة من نوعها لازم تعملوها هالشتوية بلبنان!