شو مشاريعنا
٦ بيوت ضيافة بتنورين من الأحلام للشتوية
منطقة تنورين تعتبر جوهرة حرجية طبيعية، بتضم عجايب لبنان من الطبيعة الخلابة، محمياتها، أثارها التاريخية المحفورة على صخورها. كما تعتبر مقصد لمحبي المغامرة بالطبيعة متل تسلق الجبال أو رياضة تمشي أو التخييم وغيرو. وتنورين منطقة الناس بيحبوا يكتشفوها خصوصي بالشتوية، لما تتلج الدني وغاباتها تتكلل بالبياض. اليوم قررنا ناخدكن على هالمنطقة الشمالية لنقضي كم يوم بقلب 6 بيوت ضيافة بتنورين من الحلم.
1. بيت عليا
كوخ خشب زغير ومهضوم، محاوط بالأرز المعمّر وبيطل على وادي تنورين العظيم. أول ما تدخلوا عليه رح تحسوا بالكنكنة والأجواء الجبلية.
مطرح معزول عن العالم ومناسب للعشاق والأجواء الرومانسية، بتلاقوا فيه الدفى والسكينة مع غمرة حبيبكن بالشتوية.
الرقم: 107 708 70
2. The River Guesthouse
تخايلوا حالكن قاعدين بقلب بانيو ميّ دافية، مع كاس نبيد، ومنظر مفتوح على جمال غابات تنورين. هالجو الخيالي وأكتر ناطركن عند بيت النهر بتنورين. بتقضوا كم يوم بقلب هالبيت، بتكتشفوا الطبيعة، وبتعيشوا أجمل أجواء دافية وتجربة حلوة هالموسم.
الرقم: 923 522 81
3. نيو تنورين
نيو تنورين عبارة عن بيت ضيافة بيقدملكن تجربة الرفاهية والراحة بحضن الطبيعة.
رح بتلاقوا السعادة بقلب بيت زغير ومكنكن مع فيو مفتوحة على جمال الشتوية.
الرقم: 099 399 70
4. كاسا دي سلطان
هالبيت الفاخر بياخدكن على بيت الأحلام، مطرح بتلاقوا فيه كل وسايل الراحة والرفاهية والرخاء، من القعدة الفخمة، للديكور اللي بيحسسكن كأنكن على جزيرة، والخدمات المميزة متل المساج وحتى موقعو الخيالي فوق وادي تنورين. كاسا دي سلطان يعتبر من المطارح الفاخرة بلبنان، وبيناسب العشاق اللي حابين يقضوا شهر عسل من دون ما يتكلفوا كتير بالسفر.
الرقم: 559 884 03
5. إتوس كريب
مطرح بيتوتي من أعالي تنورين، بيتميز بالجنينات الحلوة، المناظر الطبيعية، القعدة الشرحة، والجو الدافي بالشتوية. كتير مميز لجمعة أصحاب أو عيلة كبيرة!
الرقم: 559 884 03
6. غرين فيلا
بتلاقوا عند غرين فيلا يا قعدة على البلكون من فوق الوادي، أو قعدة دافية جنب الشاميني!
الرقم: 099 399 70
خبرونا بالتعليقات، أي من هيدي بيوت ضيافة بتنورين رح بتجربوها؟
شوفوا كمان، ١٦ مطعم شتوي لعشا رومانسي بالجبل