لقينالكن أحلى مطاعم بكفيا لعشوات الشتوية

بكفيا من أحلى المناطق الجبلية بلبنان وبتتميز بخشب الصنوبر العتيق وبيوت الحجر القديمة والمناظر الطبيعية. وما بتكمل الشتوية من طلعة على الجبل! نحنا خبرناكن قبل كيف فيكن تقضوا نهار مميز بربوع بكفيا، واليوم رح ندلكن على 5 من أفضل مطاعم بكفيا للشتوية. 

1. لوكاندا كورسيني

مطرح بيجمع القعدة اللبنانية التراثية بالأطباق الإيطالية الدافية. بتستمعوا بعشا بيشهي من باستا كريمي أو بيتزا ع الحطب مع كاس نبيد لبناني أصيل. والحلو انو عندة قعدة شاميني رومانسية ولطيفة لعشوات دافية بالجبل. 

الرقم: 143 263 81 

2. مطعم تلة نصر

هالمطعم اللبناني قاعد فوق التل ومخبى بالصنوبر. بهالوقت من السنة بكون مزين بالأضوية الساحرة، عندو أكل لبناني ولقمة جبلية دافية. عندو قعدة عتيقة وجو دافي جنب الشاميني كتير خرج عشا شتوي.

الرقم: 404 690 71 

3. مطعم لولا

لكل العشاق اللي عم يفتشوا على قعدة شتوية وجو رومانسي، ضروري تجربوها مطعم لولا. عندو قعدة كلاسيكية بين الشموع، دفى الشاميني، وبيقدم أطيب الأطباق الفرنسية لتكمل سهرتكن. 

الرقم: 706 062 71 

4. مطعم ملك البحر

مين قلكن ما فيكن تجربوا مأكولات بحرية طازة وشهية بالجبل؟ مطعم ملك البحر عندو شو ما بيخطر عبالكن من أطياب البحر بنص المتن بكفيا، وخصوصي هلق بالشتوية ما بيحلى إلا الأكل المشوي جنب الموقدة. 

الرقم: 461 701 03 

5. مطعم جلسة ليزا 

قعدة التراث، الجو الدافي، جمعة العيلة، لقمة البيت، ومنظر الطبيعة كلو ناطركن عند جلسة ليزا! 

الرقم: 934 158 03 

خبرونا، حبيتوا أحلى مطاعم بكفيا للشتوية؟

شوفوا كمان،لمحبي لقمة الشمال، أطيب مطاعم إهدن هالشتوية