٤ ضهرات بلبنان ما بتحلى إلا بالشتوية

في ضهرات موسمية ما بتحلى إلا بالشتوية! ولكنا منعرف أديه لبنان حلو بالزيادة وقت التلج والشتي، فخلونا نتعرف على أحلى هيدي ضهرات شتوية. 

1. ليالي الجبنة والنبيد

الجبنة الغنية مع النبيد الأحمر القوي بيكون طعمها أحلى لما الجو يبرد!

وين مننصحكن تجربوها؟ في كم مطرح ببيروت بيقدموا ليالي نبيد وجبنة متل  L’Osteria ب‌ مار ميخايل، فن فيم بيسترو بسرسق، متروبول بمينة الحصن، و The Wooden Cellar بمار ميخايل.

2. العشا الإيطالي الأصيل

ما في شي منحبوا بالشتوية أكتر من صحن باستا بصلصة الكريمة والبيتزا بالبوراتا الشهية، وللصراحة الأطباق الإيطالية هي العشا المثالي بليالي الشتوية. صار عندكن حجة لتكنكنوا مع أحباكن بكتير مطارح ببيروت، ونحنا مننصحكن بافالينو في الأشرفية، أو مطعم توم أند موتز بمار مخايل.

عبالكن تكتشفوا بعد مطاعم إيطالية؟ شوفوا قسمنا هون.

3. المطاعم الجبلية

بأي وقت أو موسم من السنة، بعز تلج الشتوية أو شوب الصيف، كلنا منحب ومنرغب القعدة الجبلية. والطبيعة الجبلية عنا بلبنان إستثنائية، خصوصي بمناطق التزلج، فالشتوية الوقت المثالي لعشا دافي وطيب بالجبل جنب الشاميني مع كاس نبيد وموسيقى كلاسكية. وين مننصحكن تجربوا هالقعدة المكنكنة؟ لقينالكن ١٥ مطعم شتوي مع قعدة جنب النار بلبنان، بتلاقوهن هون. 

4. النومة بقلب أكواخ الخشب

قعدة أكواخ الخشب البعيدة عن العالم وبنص الغابة إلها سحرها وكنكنتها الخاصة بالشتوية، جنب الشاميني مع الطبيعة الرايقة والتلوج البيضا، وممكن أكتر تجربة من ضهرات شتوية اللي بيحبوها العشاق بلبنان. وين مننصحكن تجربوا هالقعدة؟ شوفوا دليلنا هون لأجمل بيوت الخشب الشتوية بلبنان. 

بتحبوا الشتوية بلبنان؟ شوفوا قسمنا هون.