بالفيديو: عرض زواج رومانسي على متن طيارة الMEA

بفيديو مؤثر وحلو طلب اللبناني محمد المصري إيد حبيبتو عبير للزواج على متن طيارة من طائرات الشرق الأوسط (MEA)، وعبير موظفة بطاقم الطيارة، وكان عرض زواج مفاجأة رومانسية قبل دقايق من الإقلاع.

الفيديو بيفرجينا اللحظة الرومانسية لما محمد حكى على ال PA system ليسأل عبير سؤال مهم كتير قدام الكل. وبس لنطمنكن، عبير قبلت ولقت خاتم ناطرها! بس انتو حضروا الفيديو لتشوفوا فرحتها: 

وأحلى شي انو كل طاقم طيارة MEA كانوا مشتركين بالموضوع. وباللحظة اللي قبلت فيها عبير، الكل بالطيارة بلشوا بالزقيف والمبروك. 

للصراحة، عرض زواج بهالطريقة كتير حلو فمعليه حتى لو أخّرت الرحلة شوي. 

مبروك محمد وعبير! 

شوفوا كمان، بالفيديو: ببغاء بتحكي لبناني صارت نجمة السوشيال ميديا