أطيب مطاعم حمانا بلقمة دافية هالشتوية

ضيعة حمانا تعتبر مهرب جبلي من عجقة بيروت، مشهورة بموسم الكرز والمناظر الجبلية لوادي لامارتين. والمميز بهالضيعة الزغيرة انو هي مش بس مصيف إستثنائي، بس مقصد حلو بالشتوية. بهالطقس التلجي اللطيف قررنا نطلع ع حمانا لنقضي وقت حلو ونببسط بمشوار روعة، وما بيكمل المشوار من دون اللقمة الطيبة. كرمال هيك، لقينالكن أطيب مطاعم حمانا للشتوية. 

1. تشيري لاين حمانا

هالمطرح بيقدملكن تجربة أكل شتوية بنص بياض التلوج وبين الشوارع الحمانية القديمة.  

إذا عم تبرموا ع مطرح ونس  بحمانا لتنبسطوا بعشا دافي جنب الشاميني مع الشريك، لازم تجربوا تشيري لاين. 

الرقم: 588 335 71

2. Piazza 1140 

بين شوارع حمانا الأيقونية، بتلاقوا جوهرة إيطالية مع قعدة بتطل ع السوق وجو الضيعة. 

جربوا عندن أطيب أطباق المطبخ الإيطالي وع الطريقة التقليدية، محضرة مع مكونات شغل بيت وصوص غنية ومخبوزة على الأصول بالفرن ع الحطب، من بيتزا، باستا، وع جنبها سلطات، وغيرها من الأكلات الدافية والشهية. 

الرقم: 178 138 79

3. بيت ست الكل

بيت ست الكل فاتح بوابو للكل ليجربوا الأكل اللبناني الطيب من مشاوي، دجاج ع الفحم، طاووق، وسلطات وغيرو، وكمان أكلات عالمية دسمة وشهية من سندويشات وبرغر وبيتزا. 

هالمطعم بيقدملكن جو مهضوم ولطيف، مع فعاليات فنية وموسيقية وحتى بتلاقوا مكتبة. رح بتلاقوا بمكان واحد نشاطات مسلية وأكل طيب.

الرقم: 889 076 81

4. Combos

إذا خاطر عبالكن برغر دسمة ع دجاج أو لحمة مغرقة بالصوص، أو سندويشات وسناكات بتشبع بمشواركن بالضيعة، لازم تجربوا هالمطعم بفرعو المميز بحمانا.

الرقم: 719 151 81 

خبرونا، أي من مطاعم حمانا اللي ذكرناهن رح بتجربوا؟

شوفوا كمان، بتحبوا الأكل الإيطالي؟ شوفوا أطيب ٣١ مطعم إيطالي بلبنان