بنص الشتوية: ١٢ شغلة تعملوها بضيعة عندقت!

مين قال الصيفية بس للمشاوير الحلوة؟ بنص الشتوية لبنان بصير أبيض وبتحلى المشاوير على ضيع لبنان، لهيك اليوم عبالنا نعرفكن على جوهرة مخفية.

لكل حدا عبالوا يعيش لحظات بعيدة عن العالم وبعيدة عن كل الضجة، مشوارنا اليوم على ضيعة عندقت بالشمال بهالبردات بطول العمر خصوصي بس يغطي التلج البيوت والشوارع. مشوا معنا لنشوف شو فينا نعمل بهالضيعة.

١. بلشوا نهاركن بترويقة مناقيش على تنور الحطب عند تنور أبو خنجر

قعدة بوج جبل أكروم الخيالي حد الدفا مع منظر بطير العقل

مناقيش زعتر وجبنة مع بيض مقلي وصحن خضرا بلدي وصحن لبنة بلدي غير شكل

بس تخلصوا أكل ما تنسوا تشربوا فنجان شاي إكرك عجم لتروقوا راسكن عالآخر

الرقم: 111 184 76

٢. زوروا وادي عودين لي بيشبه عالم الأحلام وشوفوا ساقيات المي المجلدة

٣. زوروا كنيسة مار الياس الأثرية المغطاية بالتلج

٤. عملوا بيكنيك بالطبيعة وجيبوا معكن أكلاتكن

٥. تفرجوا على برج المراقبة الأثري بالضيعة

٦. جربوا أكلة الضيعة التراثية: مشطاح سخن على التنور الحطب

تفرجوا على طريقة خبز مشاطيح التنور وكيف بتتحمر على الهدا

ما تفلوا من دون ما تاخدوا ربطة تنور على البيت لأن ما رح تلاقوا متلن ببيروت

٧. خدوا أجمل الصور للطبيعة

٨. كلوا أطيب لقمة عند مطعم Saturday’s

بقدم كل الأكلات لي بتحبوها مع فنجان نبيد حد النار

الرقم: 436 880 06

٩. تفرجوا على معصرة الزيتون الأثرية بالضيعة وزوروا مزار مار سابا

١٠. جربوا أكلة القمح المسلوق التراثية لي معمولة بقلب الدست

١١. تمشوا بشوارع الضيعة العتيقة وتفرجوا على البيوت التراثية

١٢. قضوا ليلة مريحة ورايقة عند Locanda Motel

هالمحل مجهز بكل شي ومناسب للعيل والأصحاب ولقعدة حميمة

الرقم: 474 454 81

شوفوا كمان، ٧ معاصر نبيذ لازم تزوروهن مع حبيبكن بلبنان.